கிழக்கு இரயில்வேயின் முன்னாள் பொது மேலாளர் சுனீத் சர்மா அவர்கள், புதிய இரயில்வே வாரியத் தலைவராகவும் தலைமை நிர்வாக அதிகாரியாகவும் நியமிக்கப் பட்டுள்ளார்.
இந்திய உருக்கு ஆணையத்தின் (Steel Authority of India Limited) புதிய தலைவராக சோமா மண்டல் அவர்கள் பொறுப்பேற்றுள்ளார்.
இவர் இந்திய உருக்கு ஆணையத்தின் முதல் பெண் தலைவராவார்.
கிசான் கல்யாண் என்ற ஒரு திட்டத்தை உத்தரப் பிரதேச அரசானது தொடங்க உள்ளது.
உத்தரப் பிரதேச மாநிலத்தின் அனைத்து சட்டமன்றத் தொகுதிகளையும் உள்ளடக்கியுள்ள பகுதிகளில் உள்ள உழவர்களின் வருமானத்தை இரட்டிப்பாக்கச் செய்வதை இது நோக்கமாகக் கொண்டுள்ளது.
பஞ்சாப் அமைச்சரவையானது சமீபத்தில் பஞ்சாப் மாநில தரவுக் கொள்கைக்கு ஒப்புதல் அளித்துள்ளது.
ஒரு விரிவான தரவுக் கொள்கையை வகுத்த இந்தியாவின் முதல் மாநிலமாக இது திகழ்கிறது.
கே.சிவனின் பதவிக் காலத்தை மேலும் ஒரு வருட காலத்திற்கு நீட்டிக்க (2022 ஜனவரி 14 வரை) அமைச்சரவையின் நியமனக் குழு ஒப்புதல் அளித்துள்ளது.
இவர் தற்போதைய விண்வெளித் துறையின் செயலாளர் மற்றும் இந்திய விண்வெளி ஆராய்ச்சி அமைப்பின் பதவி வழித் தலைவராவார்.
பாதுகாப்பு ஆராய்ச்சி மற்றும் மேம்பாட்டு அமைப்பானது அதன் 63வது ஆண்டு தொடக்க தினத்தை 2021 ஆம் ஆண்டு ஜனவரி 01 அன்று அனுசரித்தது.
இது 1958 ஆம் ஆண்டில் நிறுவப்பட்டது.
கோவாவின் 14 வயதான லியோன் மென்டோன்கா இத்தாலியில் நடைபெற்ற வெர்கனி கோப்பையில் வெற்றி பெற்றதன் மூலம் இந்தியாவின் 67வது செஸ் கிராண்ட் மாஸ்டர் ஆனார்.
தமிழ்நாட்டின் ஜி.ஆகாஷுக்குப் பிறகு இந்த ஆண்டு கிராண்ட் மாஸ்டரான இரண்டாவது இந்தியர் லியோன் ஆவார்.
இந்திய உள்துறை அமைச்சர் தேசியக் காவல் கே-9 என்ற இதழைப் புது தில்லியில் வெளியிட்டார்.
இது கே 9 என்ற காவல் சேவைகள், காவல் நாய்கள் போன்றவை பற்றிய நாட்டின் முதல் மாதிரியான வெளியீடாகும்.
கஜகஸ்தான் நாடு சமீபத்தில் மரண தண்டனையை ரத்து செய்துள்ளது.