அமெரிக்காவின் விண்வெளி நிறுவனமான நாசா 2023 ஆம் ஆண்டில் நிலவுக்குத் தனது முதல் நடமாடும் மனித எந்திரத்தை அனுப்ப உள்ளதாக அறிவித்துள்ளது.
இந்த நடமாடும் மனித எந்திரமானது நிலவின் மேற்பரப்பு மற்றும் அடிப்பரப்புப் பகுதிகளில் பனிக்கட்டி மற்றும் மற்ற வளங்கள் உள்ளனவா என ஆய்வு செய்யும்.
இந்தத் திட்டமானது ‘மனித எந்திர அறிவியல் திட்டம்’ மற்றும் ‘மனித ஆய்வுகள்’ ஆகியவை ஒரு சேர மேற்கொள்ளப்படுவதன் எடுத்துக்காட்டாக விளங்குகிறது.
இந்த நடமாடும் மனித எந்திரமானது ஆர்ட்டிமிஸ் திட்டத்தின் ஓர் அங்கமாகும்.
இது எளிதில் ஆவியாகும் பொருட்களை ஆய்வு செய்யும் துருவ ஆய்வுக்கான சுற்றித் திரியும் கலனிலிருந்து (Volatiles Investigating Polar Exploration Rover – VIPER) தரவுகளைச் சேகரிக்கும்.
இது நிலவின் தென்துருவத்திலுள்ள வளங்களைப் பற்றிய வரைபடத்தை உருவாக்க அறிவியலாளர்களுக்கு உதவும்.