அமெரிக்க நாடானது உலகச் சுகாதார அமைப்பிற்கு (WHO - World Health Organization) தான் அளிக்கும் நிதியை நிறுத்தி வைத்துள்ளது.
இந்நிறுவனத்திற்கு அமெரிக்கா ஒவ்வொரு ஆண்டும் 400-500 மில்லியன் அமெரிக்க டாலர் நிதியை அளித்து வருகின்றது.
4 முக்கியமான நிதிப் பங்களிப்புகள் WHOவின் நிதியை ஏற்படுத்துகின்றன.
இதில் மதிப்பீடு செய்யப்பட்ட பங்களிப்பு, தன்னார்வப் பங்களிப்பு, முக்கியமான தன்னார்வப் பங்களிப்புகள் மற்றும் பிஐபி பங்களிப்புகள் (PIP - Pandemic Influenza Preparedness) ஆகியவை அடங்கும்.
மதிப்பீடு செய்யப்பட்ட பங்களிப்புகள் என்பது உறுப்பு நாடுகளால் செலுத்தப்படும் நிதியைக் குறிக்கின்றது.
தன்னார்வப் பங்களிப்புகள் என்பது தனியார் அமைப்புகளின் மூலம் உறுப்பு நாடுகளால் வழங்கப்படும் நிதியைக் குறிக்கின்றது.
முக்கியமான தன்னார்வப் பங்களிப்புகள் என்பது உடனடியாகத் தேவைப்படும் நிதியைக் குறிக்கின்றது.
பிஐபி பங்களிப்புகள் என்பது வளரும் நாடுகளால் தடுப்பு மருந்துகளை அணுகுவதை வலுப்படுத்துவதற்காக 2011 ஆம் ஆண்டில் தொடங்கப்பட்ட இன்புளூயன்சா தொற்று நோய்க்கான தயார்நிலை (PIP - Pandemic Influenza Preparedness) நிதியைக் குறிக்கின்றது.