தேர்தல் ஆணையம் (EC) ஆனது அசாம் மாநிலத்திற்கான தொகுதி மறுசீரமைப்பு ஆவணத்தை வெளியிட்டுள்ளது.
இது மாநிலத்தின் பல மக்களவை மற்றும் சட்டமன்றத் தொகுதிகளின் எல்லைகளில் மாற்றத்தை மேற்கொள்ள உள்ளதாக அறிவித்துள்ளது.
2001 ஆம் ஆண்டு மக்கள் தொகைக் கணக்கெடுப்பின் அடிப்படையில் தொகுதி மறு சீரமைப்புப் பணிகளானது மேற்கொள்ளப்பட்டது.
அசாம் மாநிலத்தில் கடைசியாக 1976 ஆம் ஆண்டில் தொகுதி மறுசீரமைப்புப் பணிகள் மேற்கொள்ளப்பட்டது.
அம்மாநிலத்தின் சராசரி மக்கள் தொகை அடர்த்தியானது, ஒரு சதுர கிலோ மீட்டருக்கு 338 பேர் ஆகும்.
அசாம் மாநிலத்தில் உள்ள 126 சட்டமன்றத் தொகுதிகள், 14 மக்களவைத் தொகுதிகள் என்ற எண்ணிக்கையில் எதுவும் மாற்றப் படவில்லை.
தற்போது 8 ஆக உள்ள பட்டியலிடப்பட்ட சாதியினருக்கான சட்டமன்றத் தொகுதிகளின் எண்ணிக்கையானது ஒன்பதாகவும், 16 ஆக உள்ள பட்டியலிடப்பட்டப் பழங்குடிச் சமூகத்தினருக்கானச் சட்டமன்றத் தொகுதிகளின் எண்ணிக்கையானது 19 ஆகவும் அதிகரிக்கப் பட உள்ளது.
காசிரங்கா பெயரில் ஒரு நாடாளுமன்றத் தொகுதியும் முன்மொழியப்பட்டுள்ளது.
பட்டியலிடப்பட்டப் பழங்குடியினருக்கு 19 சட்டசபை இடங்களும் மற்றும் இரண்டு நாடாளுமன்ற இடங்களும், பட்டியலிடப்பட்டச் சாதியினருக்கு ஒன்பது சட்டசபை இடங்களும் மற்றும் ஒரு நாடாளுமன்ற இடத்தினையும் ஒதுக்கீடு செய்வதற்கு முன் மொழியப் பட்டுள்ளது.