வனேடியம் என்ற உலோகமானது அருணாச்சலப் பிரதேசத்தின் டெபோ மற்றும் தமாங் பகுதியில் உள்ள பேலியோ - புரோடெரோசோயிக் கார்பனேசியன் பயலைட் என்ற வகை பாறைகளில் கண்டறியப்பட்டுள்ளது.
இந்தியாவில் வனேடியத்தின் மீதான ஒரு முதன்மை இருப்பின் முதலாவது பதிவு அறிக்கை இதுவாகும்.
இந்த அகழாய்வானது இந்தியப் புவியியல் ஆய்வு அமைப்பினால் மேற்கொள்ளப் பட்டு உள்ளது.
வனேடியம் என்பது எஃகு மற்றும் டைட்டானியத்தை வலுப்படுத்துவதற்குப் பயன்படுத்தப்படும் உயர்மதிப்பு கொண்ட ஒரு உலோகமாகும்.
அருணாச்சலப் பிரதேசத்தில் காணப்படும் வனேடியத்தின் கனிமமயமாக்கல் என்பது புவியியல் ரீதியாக சீனாவின் வனேடியம் இருப்பான கார்பனேசிய ஷேல் வகை என்ற படிமத்தில் உள்ள”கல் நிலக்கரியை” போன்றதாகும்.
இந்த உயர் வனேடியப் பொருளானது 16% வரை நிர்ணயிக்கப்பட்ட கரிமப் பொருளுடன் உள்ள கிராபைட்டுடன் தொடர்புடையதாகும்.
வனேடியம் வகை எஃகு ஆனது பல்சக்கரங்கள் , மிதிவண்டிச் ச்ட்டங்கள், அச்சுகள் மற்றும் இதர முக்கியப் பொருட்களில் பயன்படுத்தப்படுகின்றது.
உலகில் உற்பத்தி செய்யப்படும் 85% வனேடியமானது எஃகு சேர்க்கைப் பொருளாகப் பயன்படுத்தப் படுகின்றது.
இந்தியாவானது வருடாந்திரமாக 3360 மெட்ரிக் டன்கள் என்ற அளவில் வனேடியத்தை நுகர்கின்றது.
இது உலகினால் நுகரப்படும் வனேடியத்தின் அளவில் 4% அளவுடையதாகும்.
சீனாவானது உலக வனேடியத்தில் 57% அளவை உற்பத்தி செய்து 44% வனேடியத்தை நுகர்கின்றது.
சீனாவில் அதிக வனேடியம் இருப்புகள் உள்ளன, இதற்கு அடுத்து ரஷ்யா மற்றும் தென் ஆப்பிரிக்காவில் அதிக அளவில் வனேடியம் இருப்புகள் உள்ளன.