மியூகோர்மைகோசிஸ் (அ) கருப்புப் பூஞ்சை நோய்க்குச் சிகிச்சையளிக்கப் பயன்படுத்தப் படும் ஆம்போடெரிசின்-பி எனும் மருந்திற்கு பல மாநிலங்கள் மற்றும் ஒன்றியப் பிரதேசங்களில் தட்டுப்பாடு ஏற்பட்டுள்ளதாகக் கூறப்பட்டுள்ளது.
ஆம்போடெரிசின்-பி என்பது ஒரு பூஞ்சை எதிர்ப்பு மருந்தாகும்.
இது தீவிரமான பூஞ்சைத் தொற்று நோய்க்குச் சிகிச்சையளிக்கப் பயன்படுத்தப் படுகிறது.
இது 1955 ஆம் ஆண்டில் ஸ்ட்ரெப்டோமைசிஸ் நோடோசலிருந்து (Streptomyces nodosus) பிரித்து உருவாக்கப்பட்டு 1958 ஆம் ஆண்டில் பயன்பாட்டிற்கு வந்தது.
இந்த மருந்தானது பொதுவாக நரம்பின் மூலம் ஊசி வாயிலாக உட்செலுத்தப் படுகிறது.
இது தொற்றினை ஏற்படுத்தும் பூஞ்சையின் வளர்ச்சியைக் குறைக்கிறது.
இந்த மருந்தானது உலக சுகாதார அமைப்பின் ‘சுகாதாரத் துறையில் அத்தியாவசிய, பாதுகாப்பான மற்றும் அதிசெயல்திறனுடைய மருந்துகள் பட்டியலில்’ சேர்க்கப்பட்டு உள்ளது.