இந்திய அறுவைச் சிகிச்சை நிபுணர் சங்கத்தின் தலைவர் - ரகுராம்
November 21 , 2018 2115 days 541 0
புகழ்பெற்ற மார்பகப் புற்றுநோய்க்கான அறுவைச் சிகிச்சை நிபுணரும், KIMS உஷாலட்சுமி மார்பக நோய்களுக்கான மையத்தின் இயக்குநருமான ரகுராம் இந்திய அறுவைச் சிகிச்சை நிபுணர் சங்கத்தின் தலைவராக தேர்ந்தெடுக்கப்பட்டு இருக்கின்றார்.
இவர் கொல்கத்தாவைச் சேர்ந்த தாமோனஸ் சௌத்ரி என்பவரைத் தோற்கடித்து தலைவர் பதவிக்கு தேர்ந்தெடுக்கப்பட்டு இருக்கின்றார்.
இந்திய அறுவைச் சிகிச்சை நிபுணர் சங்கத்தின் தலைமையகமான சென்னையில் இத்தேர்தலுக்கு தலைமை தேர்தல் அதிகாரியாக செயல்பட்ட திரு. அரவிந்த் குமார் என்பவரால் இந்த முடிவு அறிவிக்கப்பட்டது.
ரகுராம் பத்மஸ்ரீ விருது மற்றும் B.C. ராய் தேசிய விருது ஆகியவற்றை வென்றவர் ஆவார்.
இந்தியாவில் அறுவைச் சிகிச்சைக்கான குரலாக கருதப்படும் இந்திய அறுவைச் சிகிச்சைக்கான நிபுணர்கள் சங்கம், ஆசிய பசுபிக் பிராந்தியத்தில் மிகப்பெரிய அறுவைச் சிகிச்சை நிபுணர்கள் சங்கமாகும்.
உலகத்தின் மிகப்பெரிய அறுவைச் சிகிச்சைக்கான நிபுணர் சங்கம் அமெரிக்க அறுவைச் சிகிச்சைக்கான நிபுணர்களின் கல்லூரி ஆகும்.