PREVIOUS
✖
இந்தியா-சர்வதேச கடல்சார் அமைப்பு
December 3 , 2017
2577 days
1023
0
- சர்வதேச கடல்சார் அமைப்பினுடைய (International Maritime Organisation – IMO) கவுன்சில் தேர்தலில் இந்தியா மீண்டும் தேர்ந்தெடுக்கப்பட்டுள்ளது.
- “பி” வகைப்பாடு பிரிவில் நடந்த உறுப்பினர் தேர்தலில் இரண்டாவது அதிகபட்ச வாக்குகள் பெற்று அடுத்த இரண்டாண்டிற்கு உறுப்பினராக இந்தியா மீண்டும் தேர்வு செய்யப்பட்டுள்ளது.
- 144 வாக்குகள் பெற்று இந்தியா இரண்டாவது இடத்தையும், 146 வாக்குகள் பெற்று ஜெர்மனி முதலிடத்தையும் பெற்றது.
- IMO அமைப்பு தொடங்கப்பட்டதிலிருந்து வகைப்பாடு - ‘B’- பிரிவுக்கு உறுப்பினர்களைத் தேர்ந்தெடுக்க தேர்தல் நடத்தப்படுவது இதுவே முதன்முறை ஆகும்.
- இதற்குமுன் B பிரிவின் 10 உறுப்பினர்களும் ஒருமனதான ஆதரவு முறையில் தேர்ந்தெடுக்கப்பட்டனர்.
- இந்தியா 1959ஆம் ஆண்டு முதல் IMO-வில் உறுப்பினராக இருந்து வருகின்றது.
- 1983 – 1984 ஆகிய இரண்டு ஆண்டுகளைத் தவிர IMO தொடங்கப்பட்டது முதல் அதன் கவுன்சிலுக்கு உறுப்பினராக இந்தியா தொடர்ந்து தேர்வு செய்யப்பட்டு வருகிறது.
- IMO 1948-ஆம் ஆண்டு தோற்றுவிக்கப்பட்டது.
- இது 172 உறுப்பினர்களையும், 3 துணை உறுப்பினர்களையும் கொண்டது.
- கடல்சார் விவகாரங்களுக்கென பிரத்யேகமாக உருவாக்கப்பட்ட உலகின் முதல் சர்வதேச அமைப்பு சர்வதேச கடல்சார் அமைப்பாகும்.
- இங்கிலாந்தை தலைமையிடமாகக் கொண்ட ஐ.நா.அவையின் ஒரே சிறப்பு நிறுவனம் சர்வதேச கடல்சார் அமைப்பாகும்.
- இது கப்பல்துறை நிறுவனங்களுக்கான ஒழங்குமுறை கட்டமைப்புகளை உருவாக்கி அதன் மூலம் சர்வதேச போக்குவரத்துகளின் சுற்றுச்சூழல் செயல்திறன் மற்றும் கடல்சார் பாதுகாப்பு, வர்த்தகம் போன்றவற்றிற்கான தரநிலைகளை நிர்ணயிக்கும் உலக அமைப்பாகும்.
- கடல்சார் பாதுகாப்பை அதிகரித்தல் மற்றும் கடல் மாசுபாடு அடைவதை தடுத்தல் ஆகியவை இதன் முக்கிய நோக்கங்களாகும்.
- இந்த அமைப்பில் மூன்று வகைப்பிரிவின் கீழ் உறுப்பினர்கள் உள்ளனர்.
- வகைப்பாடு A : சர்வதேச கடல் போக்குவரத்து சேவைகளை அளிப்பதில்
- வகைப்பாடு B : சர்வதேச கடல்வழி வர்த்தகத்தில் ஆர்வமுடைய நாடுகள்
- வகைப்பாடு C : கடற்வழிப் பயணத்தில் (navigation) சிறப்பு ஆர்வமுடைய நாடுகள்
- B வகைப்பாட்டில் உள்ள இந்தியா A வகைப்பாட்டில் உறுப்பினராவதற்கு முயற்சிகளை மேற்கொண்டு வருகின்றது.
- A வகைப்பாட்டில் இந்தியா உறுப்பினரானால் IMO-வின் பல்வேறு குழுக்களில் பங்கேற்க வாய்ப்பு உண்டாகும்.
- அதன் மூலம் IMO-வின் முடிவு எடுக்கும் செயல்பாட்டில் இந்தியா பங்கெடுக்க இயலும்.
Leave a Reply
Your Comment is awaiting moderation.