PREVIOUS
✖
இந்தியாவின் புலிகளின் எண்ணிக்கை-2023
July 31 , 2023
355 days
282
0
- இந்தியாவின் புலிகளின் எண்ணிக்கை 2018 ஆம் ஆண்டில் 2,967 ஆக இருந்த நிலையில், 2022 ஆம் ஆண்டில் அது 3,682 ஆக அதிகரித்துள்ளது.
- இது நான்காண்டுகளுக்கு ஒருமுறை புலிகள் கணக்கெடுப்பினை மேற்கொள்கின்ற இந்திய வனவுயிரியல் நிறுவனத்தால் மதிப்பிடப் பட்டது.
- 2018 மற்றும் 2022 ஆகிய ஆண்டுகளுக்கு இடையில் இந்தியாவில் உள்ள புலிகளின் எண்ணிக்கை 23.5% அதிகரித்துள்ளது.
- இது கடந்தப் பத்தாண்டுகளில் புலிகளின் எண்ணிக்கையில் குறிப்பிடத்தக்க அளவு உயர்வு ஏற்பட்டுள்ளதைக் குறிக்கிறது.
- இந்தியாவில் 2010 ஆம் ஆண்டில் 1,706 புலிகள் இருந்த நிலையில், 2014 ஆம் ஆண்டில் 2,226 புலிகள் பதிவாகியுள்ளன.
- உலகிலுள்ள மொத்தப் புலிகளின் எண்ணிக்கையில் 75% புலிகள் இந்தியாவில் உள்ளன.
- இதில் சுமார் 80% புலிகள் (2,885) தற்போது புலிகளின் வாழ்விடப் பகுதிகளைக் கொண்ட 18 மாநிலங்களில் 8 மாநிலங்களில் காணப்படுகின்றன.
- அவை மத்தியப் பிரதேசம், கர்நாடகா, உத்தரகாண்ட், மகாராஷ்டிரா, தமிழ்நாடு மற்றும் அசாம் உள்ளிட்டவையாகும்.
- 2022 ஆம் ஆண்டில் அதிகப் புலிகள் எண்ணிக்கையானது மத்தியப் பிரதேசத்தில் (785) பதிவாகியுள்ளது.
- இதனைத் தொடர்ந்து கர்நாடகா (563), உத்தரகாண்ட் (560) மற்றும் மகாராஷ்டிரா (444) ஆகிய மாநிலங்கள் உள்ளன.
- மொத்த எண்ணிக்கையில் 2,526 புலிகள் மத்திய இந்திய மற்றும் மேற்குத் தொடர்ச்சி மலைகளில் காணப் படுகின்றன.
- 260 புலிகளுடன் உத்தரகாண்ட் மாநிலத்தில் உள்ள கார்பெட் தேசியப் பூங்கா அதிக பட்ச புலிகளைக் கொண்ட புலிகள் வளங்காப்பகமாக உள்ளது.
- அதைத் தொடர்ந்து கர்நாடகாவில் உள்ள பந்திப்பூர் (150), மற்றும் நாகர்ஹோலே (141) ஆகியவை உள்ளன.
- உலகளவில், 2016 ஆம் ஆண்டில் 3,890 ஆக இருந்த புலிகளின் எண்ணிக்கையானது 2023 ஆம் ஆண்டில் 5,575 ஆக அதிகரித்துள்ளது.
- இந்தியாவின் மொத்த நிலப்பரப்பில் 2.3% பரப்பளவினைக் கொண்ட 75,796 சதுர கிமீ பரப்பளவில் பரவியுள்ள 53 பிரத்தியேக புலிகள் வளங்காப்பகங்களில் புலிகள் அதிக எண்ணிக்கையில் காணப் படுகின்றன.
Leave a Reply
Your Comment is awaiting moderation.