முக்கிய தினங்கள்

இந்தியாவில் சிறுபான்மையினர் உரிமை தினம் - டிசம்பர் 18

December 20 , 2023 213 days 167 0

பல்வேறு சிறுபான்மையினர்கள் எதிர்கொள்ளும் சவால்களை சமாளிக்க உதவுவதன் முக்கியத்துவம் குறித்த விழிப்புணர்வை மேம்படுத்துவதை இந்த நாள் நோக்கமாகக் கொண்டுள்ளது.
சிறுபான்மையினர் உரிமைகள் தினமானது 1992 ஆம் ஆண்டு டிசம்பர் 18 ஆம் தேதி அன்று நிறுவப்பட்டது.
இந்நாளில், சிறுபான்மையினரின் உரிமைகளைப் பாதுகாப்பதற்கும் மேம்படுத்தச் செய்வதற்கும் வேண்டி தேசியம் அல்லது இனம், மதம் மற்றும் மொழிசார் சிறுபான்மையினரைச் சேர்ந்த நபர்களின் உரிமைகள் தொடர்பான பிரகடனத்தை ஐக்கிய நாடுகள் சபை ஏற்றுக் கொண்டது.
ஐக்கிய நாடுகள் சபையின் பிரகடனத்தை ஏற்றுக் கொண்டதன் ஒரு பகுதியாக, தேசிய சிறுபான்மையினர் ஆணையத்தை (NCM) இந்தியா நிறுவியது.
தேசிய சிறுபான்மையினர் ஆணையச் சட்டத்தின் (1992) கீழ் மத்திய அரசு தேசிய சிறுபான்மையினர் ஆணையத்தினை நிறுவியது.
இஸ்லாமியர்கள், கிறிஸ்தவர்கள், சீக்கியர்கள், பௌத்தர்கள், ஜோராஸ்ட்ரியர்கள் (பார்சிகள்) மற்றும் சமணர்களை சிறுபான்மை சமூகங்களாக அரசாங்கம் அறிவித்தது.
இந்த ஆண்டிற்கான இந்தத் தினத்தின் கருத்துரு, 'பன்முகத் தன்மை மற்றும் உள்ளடக்கத்தைக் கொண்டாடுதல்' என்பதாகும்.