இந்திய விண்வெளி ஆராய்ச்சி நிறுவனமானது இன்ஸ்பைர்சாட் – 1 எனப்படும் ஒரு செயற்கைக் கோளினை விண்ணில் ஏவியது.
இந்தியா, அமெரிக்கா, தாய்வான் மற்றும் சிங்கப்பூர் ஆகிய நாடுகளின் பல்கலைக் கழகங்களைச் சேர்ந்த சர்வதேச ஆராய்ச்சியாளர்கள் அடங்கிய ஒரு குழுவினால் இன்ஸ்பைர்சாட் – 1 உருவாக்கப்பட்டது.
இன்ஸ்பைர்சாட் – 1 (INSPIRE Sat – 1) என்பதன் விரிவாக்கம் International Space Program in Research and Education Satellite – 1 (ஆராய்ச்சி மற்றும் கல்விக்கான சர்வதேச விண்வெளி செயற்கைக்கோள் திட்டம்) என்பதாகும்.
இந்தச் செயற்கைக்கோளானது போல்டர் எனுமிடத்திலுள்ள கொலராடோ பல்கலைக் கழகத்திலுள்ள வளிமண்டல மற்றும் விண்வெளி இயற்பியல் ஆய்வகத்துடன் இணைந்து இந்திய விண்வெளி அறிவியல் கல்வி மற்றும் தொழில்நுட்ப நிறுவனத்தினால் உருவாக்கப்பட்டது.
இது PSLV-C52 எனும் துருவ செயற்கைக்கோள் ஏவூர்தி மூலம் விண்ணில் ஏவப்பட்டது.