PREVIOUS
✖
இமாச்சல பிரதேசம் – தேர்தல் தேதி அறிவிப்பு
October 23 , 2017
2591 days
1037
0
- இந்திய தேர்தல் ஆணையம் இமாச்சலப் பிரதேச சட்டமன்ற தேர்தல் தேதியினை அறிவித்துள்ளது. நடப்பிலுள்ள இமாச்சல பிரதேச அரசின் ஆட்சிக்காலம் ஜனவரி 7,2017 அன்று முடிவடைகிறது.
- 68 சட்டமன்ற தொகுதிகளுடைய இமாச்சலப் பிரதேசத்தின் தேர்தல் நவம்பர் 9 ஆம் தேதி நடத்தப்பட்டு, டிசம்பர் 18 ஆம் தேதிகள் முடிவுகள் அறிவிக்கப்படும்.
- தேர்தல் அட்டவணை வெளியிடப்பட்டது முதலே தேர்தல் நடத்தை விதிமுறைகள் (Mode Code Of Conduct-MCC) உடனடியாக இமாச்சல பிரதேசத்தில் அமலுக்கு வந்துள்ளன.
- கோவாவிற்கு அடுத்து இந்த ஆண்டில் 2 வது மாநிலமாக இமாச்சல பிரதேசத்தில் 100% வாக்காளர் சரிபார்க்கும் காகித தணிக்கை சோதனை முறை (VVPAT-Voters verification Paper Audit Trail ) பயன்படுத்தப்பட உள்ளது.
- வெளிப்படைத்தன்மையை மேம்படுத்துவதற்காக, சோதனை அடிப்படையில் ஒவ்வொரு சட்டமன்ற தொகுதியிலும் ஓர் வாக்குச் சாவடி சமவாய்ப்பற்ற (random) முறையில் தேர்ந்தெடுக்கப்பட்டு அங்கு VVPAT சீட்டுகள் எண்ணப்படும்.
- தேர்தல் நடத்தை விதிமுறைகள் (MCC-Model Code of Conduct) தன்னார்வ “தார்மீக நடத்தை நெறிகள்” (Moral Code of Conduct) எனவும் அழைக்கப்படும்.
- இது நியாயமான மற்றும் நேர்மையான தேர்தலை உறுதி செய்ய அரசியல் கட்சிகள், தேர்தல் வேட்பாளர்கள் மற்றும் அரசாங்கத்திற்கு வெளியிடப்படும் நெறிமுறைகளின் தொகுப்பாகும். இது இந்திய தேர்தல் ஆணையத்தால் வெளியிடப்படுகிறது.
- இந்த தேர்தல் நடத்தை நெறிமுறைகளை நிர்வகிக்க எந்த ஒரு சட்ட அமைப்பும் கிடையாது.
- தேர்தல் அட்டவணைகள் தேர்தல் ஆணையத்தால் வெளியிடப்பட்ட உடனே தேர்தல் நடத்தை விதிகள் அமலுக்கு வரும்.
- தேர்தல் பிரச்சார காலத்தில் சமூகங்களுக்கிடையே பகைமையை உண்டாக்கல் போன்ற நடத்தை விதிமுறை மீறல்கள் இந்திய தண்டணையியல் சட்டம் (IPC-Indian Penal Code) உள்ளிட்ட நடப்பிலுள்ள சட்டங்களின் மூலம் தீர்க்கப்படும்.
- இந்த நடத்தை விதிமுறைகளின் கீழ் அனுமதிக்கப்பட்டவை, அனுமதிக்கப்படாதவை என வழிகாட்டுதல் இருக்கும். அவற்றின் மீதான அரசியல் கட்சிகள் மற்றும் வேட்பாளர்களின் செயல்பாடுகளை இந்திய தேர்தல் ஆணையம் அல்லது மாநிலத் தேர்தல் ஆணையம் தீர்ப்பாளராக இருந்து கையாளும்.
Leave a Reply
Your Comment is awaiting moderation.