PREVIOUS
✖
உயர்கல்வி குறித்த நிதி ஆயோக் அமைப்பின் அறிக்கை 2025
February 13 , 2025
14 days
87
0
- நிதி ஆயோக் அமைப்பானது, 'மாநிலங்கள் மற்றும் மாநில அரசு/பொதுப் பல்கலைக் கழகங்கள் மூலம் தரமான உயர்கல்வியை விரிவுபடுத்துதல்' என்ற தலைப்பிலான ஒரு அறிக்கையினை தயாரித்துள்ளது.
- அனைத்து மாநிலங்கள் மற்றும் ஒன்றியப் பிரதேசங்களில், ஜம்மு மற்றும் காஷ்மீர் ஆனது மொத்த உள்நாட்டு உற்பத்தியில் அதிகபட்சமாக 8.11% சதவீதம் கல்விக்காக செலவிடுகிறது என்ற நிலையில் அதைத் தொடர்ந்து மணிப்பூர் (7.25%), மேகாலயா (6.64%) மற்றும் திரிபுரா (6.19%) ஆகியவை இடம் பெற்றுள்ளன.
- கேரளா, தமிழ்நாடு, மகாராஷ்டிரா, ஆந்திரப் பிரதேசம் மற்றும் தெலுங்கானா ஆகிய மாநிலங்கள் இளையோருக்கான உயர்கல்வி செலவினத்தில் தொடர்ந்து முதலிடத்தில் உள்ளன.
- இராஜஸ்தான், பஞ்சாப் மற்றும் சத்தீஸ்கர் போன்ற சில மாநிலங்கள் இதில் பின்தங்கி உள்ளன.
- உயர்கல்வி நிதியில் மகாராஷ்டிரா மாநிலம் 11,421 கோடி ரூபாய் நிதி ஒதுக்கீட்டுடன் முன்னணியில் உள்ளது என்ற நிலையில் அதைத் தொடர்ந்து பீகார் மாநிலம் (9,666 கோடி ரூபாய்) மற்றும் தமிழ்நாடு (7,237 கோடி ரூபாய்) ஆகியன இடம் பெற்றுள்ளன.
- சிக்கிம் (142 கோடி ரூபாய்), அருணாச்சலப் பிரதேசம் (155 கோடி ரூபாய்), நாகாலாந்து (167 கோடி ரூபாய்) போன்ற மாநிலங்கள் உயர்கல்விக்கான நிதி ஒதுக்கீட்டினை மிகக் குறைவாகக் கொண்டுள்ளன.
- மொத்த மாநில உள்நாட்டு உற்பத்தியில் (GSDP) உயர்கல்வி செலவினங்களைக் கருத்தில் கொண்டால், பீகார் 1.56% பங்குடன் முன்னணி இடத்தில் உள்ளது, அதைத் தொடர்ந்து 1.53% பங்குடன் ஜம்மு & காஷ்மீரும், 1.45% பங்குடன் மணிப்பூரும் இடம் பெற்றுள்ளன.
- தெலுங்கானா 0.18% பங்குடன், மிகவும் குறைந்த சதவிகித நிதியையே ஒதுக்குகின்றன என்ற ஒரு நிலையில் குஜராத் மற்றும் இராஜஸ்தான் ஆகியவை தலா 0.23% நிதிகளை ஒதுக்குகின்றன.
- தேசிய சராசரிப் பல்கலைக்கழகச் செறிவு ஆனது 0.8 ஆகும்.
- சிக்கிமில் மிகவும் அதிகபட்சமாக 10.3 செறிவு பதிவாகியுள்ளது என்ற ஒரு நிலையில் அதனைத் தொடர்ந்து அருணாச்சலப் பிரதேசம், லடாக், இமாச்சலப் பிரதேசம், மேகாலயா மற்றும் உத்தரகாண்ட் ஆகியவை இடம் பெற்றுள்ளன.
- அதிக மக்கள் தொகை கொண்ட மாநிலங்களான பீகார், உத்தரப் பிரதேசம், மேற்கு வங்காளம் மற்றும் மகாராஷ்டிரா ஆகியவற்றில், மாநில அளவிலான செறிவு தேசிய சராசரியை விட குறைவாக உள்ளது என்ற நிலையில் பீகார் மிகக் குறைந்த அளவில் 0.2 செறிவினைக் கொண்டுள்ளது.
- கேரளா, சத்தீஸ்கர் மற்றும் இமாச்சலப் பிரதேசம் போன்ற மாநிலங்களில் ஆண்களை விட பெண்களின் சேர்க்கை விகிதம் அதிகமாக உள்ளது.
- சண்டிகர், மிசோரம் மற்றும் அந்தமான் மற்றும் நிக்கோபார் தீவுகள் போன்ற சிறிய மாநிலங்கள் மற்றும் ஒன்றியப் பிரதேசங்கள் சில நூறு மாணவர்கள் என்ற வேறுபாட்டுடன் ஒப்பீட்டளவில் மிகவும் சமநிலையான ஆண்-பெண் கல்விச் சேர்க்கை விகிதத்தினைக் கொண்டுள்ளன.
Leave a Reply
Your Comment is awaiting moderation.