முக்கிய தினங்கள்

உலக எய்ட்ஸ் தினம் – டிசம்பர் 01

December 2 , 2020 1367 days 547 0

இது பெறப்பட்ட மனித நோய் எதிர்ப்புத் திறன் குறைபாட்டு நோய்க் கூட்டறிகுறி (AIDS - Acquired Immuno Deficiency Syndrome) குறித்து பொது மக்களிடையே விழிப்புணர்வை ஏற்படுத்துவதை நோக்கமாகக் கொண்டுள்ளது.
இது மனித நோய் எதிர்ப்பு அமைப்பைப் பாதிக்கும் மனித நோய் எதிர்ப்புத் திறன் குறைபாட்டு வைரஸின் தொற்றின் (HIV) காரணமாக ஏற்படும் ஒரு கொள்ளை நோய் ஆகும்.
இந்தத் தினமானது HIV தொற்றிற்கு எதிரான போராட்டத்தில் மக்களை ஒன்றிணைப்பதற்காகவும் HIV தொற்றுடன் வாழ்பவர்களுக்கு தேவையான ஆதரவைத் தெரிவிப்பதற்காகவும் வேண்டிய ஒரு வாய்ப்பினை அளிக்கின்றது.
உலக எய்ட்ஸ் தினமானது முதன்முதலில் 1988 ஆம் ஆண்டில் அனுசரிக்கப்பட்டது.
2020 ஆம் ஆண்டிற்கான இத்தினத்தின் கருத்துரு, “HIV/எய்ட்ஸ் தொற்று நோயின் தாங்கு தன்மை மற்றும் தாக்கத்தை முடிவிற்குக் கொண்டு வருதல்” என்பதாகும்.

AIDSற்கான திட்டம்

மத்திய அரசானது எய்ட்ஸின் தடுப்பு மற்றும் கட்டுப்பாட்டிற்காக தேசிய எய்ட்ஸ் நோய் கட்டுப்பாட்டுத் திட்டத்தை (National AIDS Control Programme - NACP) 100% அளவில் ஒரு மத்தியத் துறைத் திட்டமாகச் செயல்படுத்தி வருகின்றது.
HIV கொள்ளை நோய்க்கான NACPயின் எதிர்வினையானது தடுத்தல், பரிசோதனை மற்றும் சிகிச்சை என்ற விரிவான 3 அடுக்கு கொண்ட ஒரு உத்தி முறையைக் கொண்டுள்ளது.
மேலும் மத்திய அரசானது 2017 ஆம் ஆண்டு முதல் 2024 ஆம் ஆண்டு வரை 7 ஆண்டு கால அளவிற்கு ஒரு தேசிய உத்திசார் திட்டத்தையும் உருவாக்கியுள்ளது.