முக்கிய தினங்கள்

உலக மக்கள் தொகை தினம் – ஜூலை 11

July 12 , 2023 408 days 330 0

உலக மக்கள்தொகை வளர்ச்சியுடன் தொடர்புடைய பல்வேறு பிரச்சனைகள் மற்றும் சவால்கள் பற்றி ஒரு விழிப்புணர்வை ஏற்படுத்தச் செய்வதை இந்த நாள் நோக்கமாகக் கொண்டுள்ளது.
தனிநபர்கள், நிறுவனங்கள் மற்றும் பல்வேறு அரசாங்கங்கள் ஒன்றிணைந்து, இந்தப் பிரச்சினைகளைத் தீர்ப்பதற்கானப் பல்வேறு நிலையானத் தீர்வுகளைக் கண்டறியச் செய்வதற்கான நினைவூட்டலாக இந்தத் தினம் செயல்படுகிறது.
இந்தத் தினமானது, ஐக்கிய நாடுகள் சபையினால் 1989 ஆம் ஆண்டில் நிறுவப்பட்டது.
2023 ஆம் ஆண்டிற்கான இந்தத் தினத்தின் கருத்துரு, “பாலினச் சமத்துவத்தின் மீதான ஆற்றலினைக் கட்டவிழ்த்து விடுதல் : நமது உலகிலுள்ள எல்லையற்ற சாத்தியக் கூறுகளை வெளிக் கொணர்வதற்காக பெண்கள் மற்றும் சிறுமிகளின் குரல்களை மேம்படுத்துதல்” என்பதாகும்.
2023 ஆம் ஆண்டு ஏப்ரல் மாதத்தில், ஐக்கிய நாடுகள் சபையின் உலக மக்கள் தொகையின் மதிப்பீடுகள் மற்றும் கணிப்புகளின்படி, இந்தியாவில் 1,42.58 கோடி மக்கள் உள்ளனர்.
இந்தியாவின் மக்கள்தொகையானது 1,425,775,850 என்ற ஒரு எண்ணிக்கையினைத் தாண்டியதால், உலகின் அதிக மக்கள்தொகை கொண்ட நாடாக விளங்கிய சீனா பின் தள்ளப்பட்டது.
இந்த நூற்றாண்டின் இறுதிக்குள் சீன மக்கள்தொகை குறைந்து, ஒரு பில்லியனுக்கும் கீழே குறையக் கூடும்.
1950 மற்றும் 2010 ஆகிய ஆண்டுகளுக்கு இடையில் அமெரிக்காவின் மக்கள் தொகை 15.1 கோடியில் இருந்து 30.9 கோடியாக இரட்டிப்பாகியுள்ளது.
2020 ஆம் ஆண்டு மக்கள்தொகைக் கணக்கெடுப்பு முடிவுகளின்படி, இந்தோனேசிய நாட்டின் இளம் மக்கள் தொகையின் சராசரி வயது 30 ஆக உள்ளது.
மக்கள்தொகை அடிப்படையில் வேகமாக வளர்ந்து வரும் நாடுகளில் பாகிஸ்தானும் ஒன்றாகும்.