PREVIOUS
✖
உலக வெப்பமயமாதலுக்கான பங்களிப்பில் முன்னணியில் உள்ள 10 நாடுகள்
April 4 , 2023
601 days
314
0
- உலக வெப்பமயமாதலுக்கானப் பங்களிப்பில் முன்னணியில் உள்ள 10 நாடுகளில் இந்தியா ஐந்தாவது இடத்தில் உள்ளது.
- 1850 ஆம் ஆண்டு முதல் பதிவான முக்கியப் பசுமை இல்ல வாயு வெளியேற்றத்தின் காரணமாக அமெரிக்கா மிகப்பெரிய பங்களிப்பாளராக உள்ளது.
- அமெரிக்காவைத் தொடர்ந்து சீனா, ரஷ்யா, பிரேசில் மற்றும் இந்தியா ஆகிய நாடுகள் உள்ளன.
- இந்தோனேசியா, ஜெர்மனி, இங்கிலாந்து, ஜப்பான், கனடா ஆகிய நாடுகள் அடுத்த 5 இடங்களில் உள்ளன.
- 1850 ஆம் ஆண்டு முதல் 2021 ஆம் ஆண்டு வரையிலான காலகட்டத்தில் 0.08 டிகிரி செல்சியஸ் வெப்பமயமாதலுக்கு இந்தியாவே காரணமாக உள்ளது.
- கார்பன் டை ஆக்சைடு (CO2), மீத்தேன் (CH4) மற்றும் நைட்ரஸ் ஆக்சைடு (N2O) ஆகிய மூன்று பசுமை இல்ல வாயுக்களின் (GHG) உமிழ்வின் விளைவாக புவி வெப்பமடைதல் ஏற்படுகிறது.
- இந்த மூன்று வாயுக்களில், உலக நாடுகளின் கார்பன் டை ஆக்சைடு வாயு உமிழ்வுகளே வெப்பமயமாதலுக்கு அதிகப் பங்கினைக் கொண்டுள்ளது.
- 2021 ஆம் ஆண்டு வரை, உலகளாவிய CO2 உமிழ்வு மூலம் ஏற்பட்ட வெப்பமயமாதல் 1.11°C ஆகவும், CH4 உமிழ்வு மூலம் ஏற்பட்ட வெப்பமயமாதல் 0.41°C ஆகவும், N2O உமிழ்வு மூலம் ஏற்பட்ட வெப்பமயமாதல் 0.08°C ஆகவும் இருந்தது.
- 1992 ஆம் ஆண்டில் 17% ஆக இருந்த பிரேசில், தென்னாப்பிரிக்கா, இந்தியா மற்றும் சீனா ஆகிய நாடுகளின் வெப்பமயமாதலுக்கான ஒருங்கிணைந்தப் பங்களிப்பு என்பது 2021 ஆம் ஆண்டில் 23% ஆக உயர்ந்தது.
Leave a Reply
Your Comment is awaiting moderation.