முக்கிய தினங்கள்

உலகத் தொழுநோய் தினம் - ஜனவரி 29

January 31 , 2023 668 days 332 0

தொழுநோய் பற்றிய விழிப்புணர்வை ஏற்படுத்துவதற்காக ஜனவரி மாதத்தின் கடைசி ஞாயிற்றுக் கிழமையன்று இத்தினமானது கொண்டாடப்படுகிறது.
தொழுநோய் தொடர்பான தவறானத் தகவல்கள் மற்றும் பாகுபாடுகளுக்கு முற்றுப் புள்ளி வைப்பதற்கான அழைப்பினை இந்த நாள் விடுக்கிறது.
தொழுநோய் ஹேன்சன் நோய் என்றும் அழைக்கப்படுகிறது.
ஜெர்ஹார்டு ஹென்ரிக் ஆர்மயர் ஹேன்சன் 1873 ஆம் ஆண்டில் மெதுவாக வளர்கின்ற மைக்கோபாக்டீரியம் லெப்ரே என்ற பாக்டீரியம் தான் இந்த நோய்க்கான முக்கியக் காரணம் என்பதனைக் கண்டறிந்தார்.
2023 ஆம் ஆண்டு உலகத் தொழுநோய் தினத்தின் கருத்துரு, "தற்போது செயலாற்றித் தொழுநோயை முடிவுக்குக் கொண்டு வருதல்" என்பதாகும்.
இது 1954 ஆம் ஆண்டில் பிரான்சு நாட்டினைச் சேர்ந்த புரவலரான ரவுல் ஃபோல்லேரோ என்பவரால் நிறுவப்பட்டது.
தொழுநோய் என்பது ஒரு நாள்பட்ட தொற்று நோயாகும் என்பதோடு, இது மைக்கோ பாக்டீரியம் லெப்ரே என்ற பாக்டீரியாவால் ஏற்படுகிறது.
இது மெதுவாக அதிகரிக்கிற நிலையில், இந்த நோயின் அறிகுறிகள் தோன்றும் கால இடைவெளி சராசரியாக 5 ஆண்டுகள் ஆகும்.
இந்தியாவில், ஒவ்வோர் ஆண்டும் ஜனவரி 30 ஆம் தேதியன்று காந்தி அவர்களின் நினைவு தினத்தை ஒட்டி இத்தினம் அனுசரிக்கப் படுகிறது.
உலகளவில் பதிவான தொழுநோய்ப் பாதிப்புகளில் பாதிக்கும் மேற்பட்டவை இந்தியாவில் கண்டறியப் பட்டுள்ளன.
2021 ஆம் ஆண்டில், இந்தியாவில் 1,33,781 தொழுநோய்ப் பாதிப்புகள் பதிவாகியுள்ளன மற்றும் உலகளவில் 1,40,546 தொழுநோய்ப் பாதிப்புகள் (புதிய பாதிப்புகள்) பதிவாகி உள்ளன.
இந்தியாவில், தொழுநோயின் பாதிப்பு வீதம் 10,000 மக்கள்தொகைக்கு 0.4 ஆகும்.