PREVIOUS
✖
உள்துறை அமைச்சகத்தின் முன்மொழிவு
October 31 , 2017
2453 days
959
0
- நடப்பில், மத்திய சிவில் போக்குவரத்து அமைச்சகத்தின் கீழ் செயல்படும் விமானப் போக்குவரத்து பாதுகாப்பு ஆணையத்தை (BCAS-Bureau Of Civil Aviation Security ) தன் கட்டுப்பாட்டின் கீழ் கொண்டுவர மத்திய உள்துறை அமைச்சகமானது பாதுகாப்பிற்கான அமைச்சரவைக் குழுவிடம் ஓர் முன் மொழிவை அளித்துள்ளது.
- உள்துறை அமைச்சகத்தின் இந்த செயல்பாட்டிற்கு மத்திய சிவில் விமானப்போக்குவரத்து அமைச்சகம் எதிர்ப்பினை தெரிவித்துள்ளது.
- உள்துறை அமைச்சகம், புலனாய்வுப் பிரிவு (IB-Intelligence Bureau), மத்திய தொழிற்சாலை பாதுகாப்புப் படை (CISF) ,BCAS ஆகியவற்றின் நிபுணர்கள் அடங்கிய குழுவால் மேற்கொள்ளப்பட்ட பாதுகாப்புத் தணிக்கையின் அடிப்படையில் இந்த மாற்றத்திற்கான பரிந்துரைகள் ஏற்படுத்தப்பட்டுள்ளன.
- விமானப் போக்குவரத்துப் பாதுகாப்பு ஆணையம் மத்திய விமானப் போக்குவரத்து அமைச்சகத்தின் கீழ் செயல்படும் ஓர் நிறுவனமாகும்.
- தலைமையகம் - புதுதில்லி
- பிராந்திய அலுவலகங்கள் - 4. (டெல்லி, சென்னை, கொல்கத்தா, மும்பை)
- 1976 செப்டம்பரில், இந்தியன் ஏர்லைன்சின் விமானம் கடத்தப்பட்ட பின்பு, விமானப் போக்குவரத்தின் பாதுகாப்பிற்காக சிவில் விமானப் போக்குவரத்து இயக்குநரகத்தின் (DGCA-Directorate General of Civil Aviation) கீழ் செயல்படும் ஒரு பிரிவாக விமானப் போக்குவரத்துப் பாதுகாப்பு ஆணையம் உருவாக்கப்பட்டது.
- 1989-ல் கனிஷ்கா வெடிகுண்டு நிகழ்வைத் தொடர்ந்து மத்திய விமானப் போக்குவரத்து அமைச்சகத்தின் கீழ் சுதந்திரமான துறையாக மத்திய விமானப் போக்குவரத்து பாதுகாப்பு ஆணையம் மாற்றியமைக்கப்பட்டது.
- விமான போக்குவரத்து பாதுகாப்பு ஆணையர் இதன் தலைவராவார்.
- அனைத்து வர்த்தக விமானங்களின் பாதுகாப்பு தொடர்பான தரநிலைகள், கொள்கைகள் மற்றும் நடவடிக்கைகளை உருவாக்குவதே BCAS ன் முக்கிய பொறுப்பாகும்.
- விமான நிலையங்களில் பணிபுரியும் பல்வேறு அரசு நிறுவன பணியாளர்களான புலனாய்வு பணியக அதிகாரிகள், குடியேற்ற அதிகாரிகள், பாதுகாப்பு அலுவலர்கள், உள்ளூர் காவலர்கள் BCAS ஆல் வழங்கப்படும் நெறிமுறைகளுக்கு உட்பட்டு செயல்படுகின்றனர்.
Leave a Reply
Your Comment is awaiting moderation.