PREVIOUS
✖
உள்ளடங்கிய வளர்ச்சிக் குறியீடு - 2018
January 25 , 2018
2349 days
815
0
- உலக பொருளாதார மன்றத்தால் (World Economic Forum) வெளியிடப்படும் உள்ளடங்கிய வளர்ச்சிக் குறியீட்டின் (Inclusive Devcelopment Index) 2018 ஆம் ஆண்டின் பதிப்பிற்கான வெளியீட்டில், வளரும் பொருளாதாரமுடைய 74 நாடுகளுள் இந்தியா 62வது இடத்தைப் பிடித்துள்ளது.
- அண்டை நாடுகளை காட்டிலும் இந்தியா பின்தங்கிய இடத்திலுள்ளது.
- சீனா (26வது இடம்)
- பாகிஸ்தான் (47வது இடம்)
- வங்க தேசம் (34வது இடம்)
- இக்குறியீட்டின் 2017ஆம் ஆண்டிற்கான பதிப்பில், வளரும் பொருளாதாரமுடைய 79 நாடுகளுள் இந்தியா 60 வது இடத்தை பிடித்திருந்ததும் குறிப்பிடத்தக்கது.
- 2018ஆம் ஆண்டிற்கான இக்குறியீட்டின்படி, நார்வே மீண்டும் உலகின் மிக உயர்ந்த உள்ளடக்குத் தன்மை கொண்ட மேம்பட்ட பொருளாதாரமுடைய நாடாக தொடர்கின்றது.
- இதே போல் லிதுவேனியா மீண்டும் உள்ளடக்குத் தன்மை கொண்ட வளரும் நாடுகள் பட்டியலில் முதலிடம் பெற்றுள்ளது.
- குறைந்த அளவில் குறியீட்டின் கணக்கீட்டு அளவுருக்களின் மதிப்பை பெற்றிருந்தாலும் “முன்னேறும் போக்கு“ (Advancing trend) கொண்ட 10 வளரும் பொருளாதார நாடுகளுள் ஒன்றாக இந்தியா இடம் பெற்றுள்ளது.
- உலக அளவில் இரு வளர்ந்த பொருளாதார நாடுகள் மட்டுமே (Advanced Economics) முன்னேறும் போக்கை கொண்டுள்ளன.
- G-7 நாடுகளுள் ஜெர்மனி முதல் இடத்தில் உள்ளது.
- இந்தியா உறுப்பினராக உள்ள பிரிக்ஸ் பொருளாதார நாடுகளுள் இரஷ்யா முதலிடத்தில் உள்ளது. பிரிக்ஸின் 5 நாடுகளுள் இந்தியா நான்காவது இடத்திலுள்ளது. கடைசி இடத்தில் தென் ஆப்பிரிக்கா உள்ளது.
உள்ளடங்கிய வளர்ச்சி குறியீடு
- உள்ளடங்கிய வளர்ச்சிக் குறியீடானது ஆண்டுதோறும் உலக பொருளாதார மன்றத்தால் வெளியிடப்படுகின்றது.
- GDP க்கு மாற்றாக, உலக நாடுகளின் பொருளாதார செயல்பாட்டை (National Economic Performance) கணக்கிடுவதற்காக ஏற்படுத்தப்பட்ட புது கணக்கீட்டு அளவையே உள்ளடங்கிய வளர்ச்சிக் குறியீடு ஆகும்.
- மக்களின் வாழ்க்கைத் தரம், சுற்றுச்சூழலின் நிலைத்தன்மை (Environmental Sustainability), சம்பந்தப்பட்ட நாட்டின் அரசு எவ்வாறு தனது எதிர்கால தலைமுறையினை அதிகரிக்கும் கடன்பாட்டிலிருந்து காக்கிறது (Protection of Future Generation from Further indebtedness) போன்ற அளவுருக்களின் அடிப்படையில் இந்த குறியீடு கணக்கிடப்படுகின்றது.
- வளர்ச்சி மற்றும் மேம்பாடு, உள்ளடக்குத்தன்மை மற்றும் தலைமுறைகளுக்கிடையேயான சமநிலை (Inter Generational equity) போன்ற மூன்று தூண்களின் அடிப்படையில் 103 நாடுகளின் பொருளாதார வளர்ச்சி இக்குறியீட்டின் மூலம் கணக்கிடப்படுகின்றது.
Leave a Reply
Your Comment is awaiting moderation.