கோவிட் – 19 தொற்றிற்கு எதிராகப் போராடி வரும் நிறுவனங்கள் மற்றும் மருத்துவமனைகள் ஆகியவற்றைக் குறி வைத்து ரேன்சம்வேர் மூலம் தாக்குதல் நடத்த (தகவல்களை முடக்கிப் பணம் பெறுதல்) இணையவழிக் குற்றவாளிகள் முயற்சித்து வருகின்றனர் என்று சர்வதேசக் குற்றவியல் தடுப்பு காவல்துறை அமைப்பானது (Interpol - International Criminal Police Organisation), தனது உறுப்பு நாடுகளை எச்சரித்துள்ளது.
இது தொடர்பாக, இந்த அமைப்பானது “ஊதா வண்ண அறிவிப்பை” வெளியிட்டு உள்ளது.
இது 194 உறுப்பு நாடுகளைக் கொண்ட அரசாங்கங்களுக்கிடையேயான ஒரு அமைப்பாகும்.
பிரான்சின் லியோனைத் தலைமையிடமாகக் கொண்ட இந்த அமைப்பானது 1923 ஆம் ஆண்டில் சர்வதேசக் குற்றவியல் தடுப்புக் காவல் துறை ஆணையமாகத் தொடங்கப் பட்டது. அதன் பின்னர் 1956 ஆம் ஆண்டில் இது தன்னைத் தானே இன்டர்போல் என்று அழைத்துக் கொண்டது.