இந்திய அரசானது, 2023 ஆம் ஆண்டு புதிய எண்ணிம ஊடக விளம்பரக் கொள்கைக்கு ஒப்புதல் அளித்துள்ளது.
இது சமூக ஊடகங்கள், இணையவழி ஒளிபரப்பு சேவை இயங்குதளங்கள் மற்றும் பிற எண்ணிம ஊடகங்களில் விளம்பரப் பிரச்சாரங்களை மேற்கொள்ள மத்திய தகவல் தொடர்புப் பணியகத்திற்கு (CBC) அனுமதிக்கிறது.
இது அரசாங்கத் தகவல் தொடர்பிற்காக எண்ணிம ஊடகத்தின் திறனை நன்கு திறம்பட பயன்படுத்துவதற்கான ஒரு குறிப்பிடத்தக்க நடவடிக்கையாகும்.
இணைய தளங்களோடு சேர்த்து கைபேசி செயலிகளில் மேற்கொள்ளப்படும் பல்வேறு பிரச்சாரங்களுக்கும் இந்தக் கொள்கை பொருந்தும்.
இணையதளங்கள், கைபேசி செயலிகள், இணையவழி ஒளிபரப்பு சேவை இயங்கு தளங்கள் மற்றும் எண்ணிம ஒலிபரப்பு சேவை இயங்குதளங்கள் ஆகியவை இந்தத் திட்டத்தின் கீழ் விண்ணப்பிக்க தகுதி பெறுவதற்கு குறைந்தபட்சம் ஒரு வருடம் பழமையானதாக இருக்க வேண்டும்.