எமி கோனே பேரட் – அமெரிக்க உச்ச நீதிமன்றத்தின் இணை நீதிபதி
November 1 , 2020 1398 days 521 0
அமெரிக்க செனட் சபையானது பழமைவாத (கன்சர்வேட்டிவ்) நீதிபதியான எமி கோனே பேரட் என்பவருக்கு ஆதரவாக வாக்களித்துள்ளது.
அதிபர் டொனால்டு டிரம்பால் பரிந்துரைக்கப்பட்ட இவர் அமெரிக்க உச்ச நீதிமன்றத்தில் நீதிபதியாக பணியாற்ற இருக்கும் புதிய நீதிபதி ஆவார்.
இவர் மறைந்த நீதிபதி ரூத் பேடர் ஜின்ஸ்பெர்க் என்பவரால் ஏற்பட்ட காலியிடத்தை நிரப்ப உள்ளார்.
ஜின்ஸ்பெர்க் என்பவர் முதலாவது யூதப் பெண் நீதிபதி மற்றும் அமெரிக்க உச்ச நீதிமன்றத்தில் பணியாற்றிய 2வது பெண் நீதிபதி ஆவார்.
அமெரிக்க உச்ச நீதிமன்றத்தில் கன்சர்வேட்டிவ் குழுவினருக்கு 6-3 என்ற அளவில் பெரும்பான்மை வழங்கப் பட்டுள்ளது.
அமெரிக்க உச்ச நீதிமன்றத்தில் தற்பொழுது 9 நீதிபதிகள் உள்ளனர்.
அமெரிக்காவில் ஒவ்வொரு நீதிபதியும் வாழ்நாள் முழுவதுமான பதவிக் காலத்தைக் கொண்டிருப்பர். அதாவது அவர்கள் பதவியிலிருந்து விலகல், ஓய்வு பெறுதல், இறப்பு, பதவி நீக்கம் ஆகிய தருணங்களைத் தவிர அவர்கள் உச்ச நீதிமன்றத்தில் வாழ்நாள் முழுவதுமான பணிக் காலத்தைக் கொண்டிருப்பர்.