மின்னணு மற்றும் தகவல் தொழில்நுட்ப அமைச்சகமானது இந்தியாவின் முதலாவது ‘குவாண்டம் கணினி உருவகக் கருவித் தொகுப்பினை’ (Qsim - Quantum Computer Simulator Toolkit’) வெளியிட்டுள்ளது.
இது இந்தியாவிலேயே தயாரிக்கப்பட்ட இந்த வகையிலான முதல் கருவித் தொகுப்பு ஆகும்.
குவாண்டம் கணினிகளின் உதவியோடு நிரலாக்கத்தின் நடைமுறை அம்சங்களைக் கற்றுக் கொள்வதற்கும் புரிந்து கொள்வதற்கும் இது ஒரு முக்கியக் கருவியாகும்.
இந்தக் கருவித் தொகுப்பானது ரூர்க்கியின் இந்திய தொழில்நுட்பக் கல்வி நிறுவனம், C-DAC மற்றும் பெங்களூருவின் இந்திய அறிவியல் கல்வி நிறுவனம் ஆகியவற்றின் அறிவியலாளர்களால் இணைந்து உருவாக்கப்பட்டுள்ளது.
இது மின்னணு மற்றும் தகவல் தொழில்நுட்ப அமைச்சகத்தின் ஆதரவு மற்றும் நிதி உதவியுடன் உருவாக்கப்பட்டது.