PREVIOUS
✖
சட்டமன்றத்தில் புதிய விதிகள் – ஹரியானா அரசு
April 9 , 2021
1235 days
569
0
- மாநிலச் சட்டமன்றத்தின் ஒழுங்குமுறையை (decorum) கடைபிடிப்பதற்காக வேண்டி ஹரியானா மாநில அரசு பல்வேறு புதிய விதிமுறைகளை இணைத்துள்ளது.
- இந்த புதிய விதிமுறைகளின்படி, அவை, ஒவ்வொரு முறை கூடும்போதும் குறைந்த பட்சம் இரு அமைச்சர்கள் அதில் கட்டாயம் இடம் பெற்றிருக்க வேண்டும்.
- அங்கு ஏற்படும் அமளியின் போது, அவை உறுப்பினர்கள் ஆவணங்களைக் கிழிக்கக் கூடாது.
- அவைக் கூட்டத்தின் போது உறுப்பினர்களால் கேட்கப் படும் கேள்விகள் 150 வார்த்தைகளுக்கு மிகாமல் இருக்க வேண்டும் என இந்தப் புதிய விதி கூறுகிறது.
- இது அவையில் கேட்கப்படும் கேள்விகளுக்குச் சரியான பதிலை வழங்கவும் சரியான தெளிவை அமைச்சர்கள் பெறவும் உதவும்.
- மற்றுமொரு புதிய விதிமுறையின்படி, துணைக் கேள்விகள் கீழ்க்காணும் ஏதேனும் சிக்கல்களைக் கொண்டிருந்தால் அக்கேள்வி முறையற்றது என சபாநாயகர் கூறலாம். அவையாவன,
- ஒருவேளை அக்கேள்வி பிரதானக் கேள்வியிலிருந்து எழுப்பப் படவில்லையெனில்,
- ஒருவேளை அது தகவல்களைக் கோருவதற்கு பதில் தகவல்களை வழங்கினால்,
- ஒருவேளை அக்கேள்வி ஒரு கருத்தின் ஒப்புதலையே அல்லது நிராகரிப்பையோ வேண்டினால்,
- ஒருவேளை அக்கேள்வியானது கேள்விகள் தொடர்பான ஏதேனும் ஒரு விதிகளை மீறினால்.
- மற்றுமொரு புதிய விதி விதான் சபாவின் (சட்டமன்றத்தின்) சபாநாயகரால் அமைக்கப்பட்ட குழுக்களானது பரிந்துரை செய்தால் அதன்மேல் சரியான காலத்தில் நடவடிக்கை கண்டிப்பாக எடுக்கப்பட வேண்டும் என்று கூறுகிறது.
Leave a Reply
Your Comment is awaiting moderation.