ஆப்கானிஸ்தானின் போர்க் குற்றங்கள் குறித்து விசாரிக்கச் சர்வதேச குற்றவியல் நீதிமன்றம் (International Criminal Court- ICC) முடிவெடுத்துள்ளது.
அமெரிக்காவிற்கும் தலிபானுக்கும் இடையில் ஒரு "வரலாற்றுச் சிறப்புமிக்க அமைதி ஒப்பந்தம்" கையெழுத்திடப்பட்ட சில நாட்களில் இந்த அறிவிப்பானது வெளி வந்துள்ளது.
ஹேக் நகரில் அமைந்துள்ள சர்வதேசக் குற்றவியல் நீதிமன்றமானது இனப் படுகொலை, போர்க் குற்றங்கள் மற்றும் மனிதகுலத்திற்கு எதிரான குற்றங்கள் ஆகியவற்றைத் தீர்ப்பதற்கான ஒரு உச்சபட்ச அமைப்பாக (கடைசி கட்டமாக) விளங்குகின்றது.
சர்வதேசச் சமூகத்திற்காக மிகக் கடுமையான குற்றம் புரிந்த குற்றவாளிகளுக்குத் தண்டனை விதிக்கப் படுவதற்காக நிறுவப்பட்ட முதலாவது நிரந்தர, ஒப்பந்தத்தின் அடிப்படையிலான, சர்வதேச குற்றவியல் நீதிமன்றம் இதுவாகும்.
இதன் அடிப்படை ஒப்பந்தமான ரோம் ஒப்பந்தமானது 2002 ஆம் ஆண்டு ஜூலை 1 அன்று நடைமுறைக்கு வந்தது.