PREVIOUS
✖
சர்வதேச சூரிய ஆற்றல் கூட்டணி – இந்தியா
February 26 , 2018
2337 days
861
0
- சர்வதேச சூரிய ஆற்றல் கூட்டணியின் (International Solar Alliance - ISA) முதல் மாநாட்டை மார்ச் 11 அன்று புது தில்லியில் இந்தியா நடத்த உள்ளது.
- மாநாட்டின்போது சூரியசக்தி பயன்பாடு தொடர்பாக 121 திட்டங்கள் இரு கட்டங்களாக தொடங்கப்பட உள்ளன.
- மார்ச் 11 அன்று 50 திட்டங்களும் ஏப்ரல் 20 அன்று 11 திட்டங்களும் தொடங்கப்பட உள்ளன.
- மேலும் மாநாட்டின் போது சோலார் மேற்கூரை பயன்பாடு (Solar Rooftop) மற்றும் சோலார் மின்- இயக்கம் மற்றும் சேகரிப்பு (Solar E-Mobility and Storage) போன்றவற்றைப் பெருக்குவது தொடர்பாக இரு புதிய திட்டங்கள் தொடங்கப்பட உள்ளன.
ISA
- 2015 நவம்பரில் பாரிஸில் நடைபெற்ற COP21 பருவநிலை மாநாட்டில் பிரஞ்சு அதிபருடன் இணைந்து இந்தியாவால் இக்கூட்டணி ஏற்படுத்தப்பட்டது.
- சர்வதேச சூரிய ஆற்றல் கூட்டணி ஆனது 121 நாடுகளின் கூட்டணி ஆகும். இக்கூட்டணியிலுள்ள நாடுகள் சூரிய ஆற்றல் வளம் நிறைந்தவை. இவை கடக ரேகை மற்றும் அட்சரேகை ஆகியவற்றினுக்கிடையே முழுமையாகவோ அல்லது பகுதியாகவோ அமைந்தவை.
- புதை படிமங்கள் அடிப்படையிலான எரிபொருள்கள் மீதான சார்பை குறைத்து, திறன்மிகு வகையில் சூரிய ஆற்றலை பயன்படுத்துவதற்கு ஒன்றிணைந்து செயல்படுவதே இதன் முதன்மை நோக்கமாகும்.
- இடைக்கால செயலகத்தோடு சேர்த்து இதன் தலைமையகம் இந்தியாவின் குர்கானில் உள்ளது.
- குறைந்தபட்சம் 15 நாடுகள் இதனை ஏற்றுக் கொண்டால் தான் இது செயல்முறைக்கு வரும்.
- மேலும், இக்கூட்டணியில் 2030-ல் சூரிய ஆற்றல் திட்டங்களுக்கு நிதி அளிக்க 1 டிரில்லியன் நிதியை திரட்டவும் முடிவு மேற்கொள்ளப்பட்டுள்ளது.
- ISA ஆனது அவை, கவுன்சில் மற்றும் செயலகம் என மூன்று நிறுவனக் கட்டமைப்பை கொண்டுள்ளது.
Leave a Reply
Your Comment is awaiting moderation.