தப்பியோடிய சர்ச்சைக்குரிய சாமியாரான நித்யானந்தாவைக் கண்டுபிடிப்பதற்காக சர்வதேசக் காவல்துறையானது ப்ளூ கார்னர் வகை அறிவிப்பை (நீல நிற அறிவிப்பு) வழங்கியுள்ளது.
இந்த அறிவிப்புகள் என்பது ஒத்துழைப்பிற்கான சர்வதேச கோரிக்கைகள் அல்லது உறுப்பு நாடுகளில் உள்ள காவல் துறையினர் முக்கியமான குற்றங்கள் தொடர்பான தகவல்களைப் பகிர அனுமதிக்கும் எச்சரிக்கைகளாகும்.
சிவப்பு அறிவிப்பு, மஞ்சள் அறிவிப்பு, நீல அறிவிப்பு, கருப்பு அறிவிப்பு, பச்சை அறிவிப்பு, ஆரஞ்சு அறிவிப்பு மற்றும் ஊதா அறிவிப்பு என ஏழு வகையான அறிவிப்புகள் உள்ளன.
"ஒரு குற்றம் தொடர்பாக ஒரு நபரின் அடையாளம், இருப்பிடம் அல்லது செயல்பாடுகள் பற்றிய கூடுதல் தகவல்களைச் சேகரிப்பதற்காக" நீல வண்ண அறிவிப்பு வெளியிடப் படும்.
சிவப்பு நிற அறிவிப்பானது தேடப்பட்டு வரும் ஒரு நபரைக் கைது செய்வதற்காக வழங்கப் படுகின்றது.
சர்வதேச குற்றவியல் காவல்துறை அமைப்பு அல்லது சர்வதேசக் காவல் துறையானது 194 உறுப்பு நாடுகளைக் கொண்ட அரசுகளுக்கிடையேயான ஒரு அமைப்பு ஆகும். இதன் தலைமையகம் பிரான்சின் லியானில் அமைந்துள்ளது.
இது 1923 ஆம் ஆண்டில் சர்வதேச குற்றவியல் காவல்துறை ஆணையமாக உருவாக்கப் பட்டது. மேலும் 1956 ஆம் ஆண்டில் தன்னை சர்வதேசக் காவல்துறை என்று அழைக்கத் தொடங்கியது.