நீடித்த மேம்பாட்டிற்கான துறையில் முதலீடுகளை ஊக்குவித்தமைக்காக இந்தியாவின் முதலீட்டு மேம்பாட்டுக் கழகமான இன்வெஸ்ட் இந்தியா சிறப்புத்துவத்திற்கான ஐக்கிய நாடுகள் விருதினை (United Nations - UN) வென்று இருக்கின்றது.
உலகின் மிகப்பெரிய காற்றாலை இயந்திரங்களை அதற்கான காற்றாலை இறக்கைத் தயாரிப்புத் தொழிற்சாலைகளை இந்தியாவில் அமைப்பதில் ஏற்படுத்திய சிறப்புத்துவத்திற்காக இவ்விருது கிடைக்கப் பெற்றுள்ளது.
இவ்விருது ஜெனீவாவில் உலக முதலீட்டு மன்றத்தில் (World Investment Forum) அர்மேனியாவின் குடியரசுத் தலைவர் அர்மேன் சர்க்கிசியன் என்பவரால் இன்வெஸ்ட் இந்தியா நிறுவனத்தின் தலைமை செயல் அதிகாரியான தீபக் பாக்லா என்பவருக்கு வழங்கப்பட்டது.
இவ்விருதுகளைப் பெற்ற மற்ற வெற்றியாளர்கள்
பஹ்ரைன் பொருளாதார வளர்ச்சி மன்றம்
லெசோதோ தேசிய வளர்ச்சிக் கழகம்
தென்னாப்பிரிக்கா (தென்னாப்பிரிக்கா முதலீட்டு நிறுவனம்).
ஐக்கிய நாடுகள் முதலீட்டு ஊக்குவிப்பு விருது
இந்த விருதுகள் ஐக்கிய நாடுகள் வர்த்தக மற்றும் மேம்பாட்டுக் கழகத்தால் (United Nations Conference on Trade and Development - UNCTAD) வருடந்தோறும் வழங்கப்படுகின்றன.
2002ம் ஆண்டு முதல் இவ்விருது முதலீட்டு ஊக்குவிப்பு மற்றும் எளிதாக்கல் திட்டத்தின் ஒரு பகுதியாக வழங்கப்பட்டு வருகின்றது.
இது முதலீட்டு ஊக்குவிப்பு நிறுவனங்களையும் அதன் அரசுகளையும் அவர்களின் சாதனைகளுக்காகப் பாராட்டுகின்றது.
2017ம் ஆண்டின் வெற்றியாளர்கள் எத்தியோப்பிய முதலீட்டு ஆணையம், ஸ்பெயினின் கோஃபைட்ஸ் நிறுவனம் மற்றும் மொரீசியஸின் முதலீட்டு மன்றம் ஆகியவையாகும்.