சமீபத்தில் "சிறுமிகளுக்கான ஒரு புதிய சகாப்தம்: 25 ஆண்டுகால முன்னேற்றங்கள் குறித்த ஆய்வு" என்ற ஒரு அறிக்கையானது யுனிசெஃப், பிளன் இன்டர்நேஷனல் மற்றும் ஐக்கிய நாடுகள் பெண்கள் அமைப்பு ஆகியவற்றால் வெளியிடப்பட்டது.
2008 ஆம் ஆண்டு முதல் 2018 ஆம் ஆண்டு வரை பள்ளிகளில் சிறுமிகள் இடைநிற்றல் விகிதமானது 20%திலிருந்து 13.5% ஆகக் குறைந்துவிட்டாலும், அதிக முன்னேற்றமானது நிகழவில்லை என்று இந்த அறிக்கை கூறுகின்றது.
பல பெண்கள் இன்னும் வன்முறைச் சூழலை எதிர்கொள்கின்றார்கள் என்றும் 15 - 20 வயதுக்குட்பட்ட ஒவ்வொரு 20 சிறுமிகளிலும் ஒருவர் திருமணத்திற்குப் பின்பும் திருமணத்திற்கு முன்பும் வன்புணர்விற்கு உள்ளாகின்றனர் என்றும் இந்த அறிக்கை கூறுகின்றது.
இந்த அறிக்கையில் “கற்றல் தொடர்பான பிரச்சினை” என்று அழைக்கப்படும் ஒரு சொல்லானது குறிப்பிடப் பட்டுள்ளது. இதன் பொருள் சிறுமிகள் பள்ளிக்குச் சென்றாலும் கூட, பலர் தரமான கல்வியைப் பெறுவதில்லை என்பதாகும்.