சீனாவில் பிறப்பு விகிதமானது கடந்த 70 ஆண்டுகளில் மிகக் குறைவாகப் பதிவாகி உள்ளது.
2019 ஆம் ஆண்டில் பிறப்பு விகிதமானது 1,000க்கு 10.48 ஆக இருந்தது. இது 1949 ஆம் ஆண்டுக்குப் பிறகு ஏற்பட்ட மிகக் குறைவானப் பதிவாகும்.
இந்தப் பிறப்பு விகித வீழ்ச்சிக்கு பெரும்பாலும் சீனாவின் “ஒரு குழந்தைக் கொள்கை” காரணமாக இருக்கலாம். இந்தக் கொள்கையானது 1979 ஆம் ஆண்டில் அப்போதைய தலைவர் டெங் சியாவோபிங் ஆட்சியின் போது நடைமுறைக்கு வந்தது.
கட்டுப்படுத்தப் படாத மக்கள் தொகை வளர்ச்சியானது பொருளாதார மற்றும் சுற்றுச்சூழல் பேரழிவிற்கு வழிவகுக்கும் என்று கருதப்பட்டது.
மக்கள் தொகையைப் பற்றி முறையான ஒரு கோட்பாட்டை முன்மொழிந்த முதலாவது பொருளாதார நிபுணர் தாமஸ் ராபர்ட் மால்த்துஸ் ஆவார்.