தாய்லாந்து வளைகுடாவில் உள்ள ஒரு கடற்படைத் தளத்தின் பிரத்தியேகப் பயன்பாட்டிற்குச் சீனாவை அனுமதிக்கும் “இரகசிய ஒப்பந்தம்” ஒன்றில் சீனா மற்றும் கம்போடியா ஆகிய நாடுகள் கையெழுத்திட்டுள்ளன.
ரியாம் கடற்படைத் தளம் என்பது தாய்லாந்து வளைகுடா கடற்கரையில் அமைந்துள்ள கம்போடியா கடற்படையால் நிர்வகிக்கப்படும் ஒரு தளமாகும்.
சீனா அடுத்த 30 ஆண்டுகளுக்கு தனது இராணுவ வீரர்களை அங்கு நிறுத்தவும், ஆயுதங்களை அங்கு சேமித்து வைக்கவும், போர்க் கப்பல்களை அங்கு நிறுத்தி வைக்கவும் திட்டமிட்டுள்ளது.
இது சீனாவின் அயல்நாட்டில் உள்ள 2-வது கடற்படைத் தளமாக விளங்கும். 2017 ஆம் ஆண்டில் டிஜிபவுட்டியில் தனது முதல் கடற்படைத் தளத்தை சீனா திறந்துள்ளது.