PREVIOUS
✖
ஜென்னோவா mRNA தடுப்பூசி
July 3 , 2022
880 days
956
0
- ஜெம்கோவாக்-19 என்ற ஜென்னோவா mRNA அடிப்படையிலான ஒரு தடுப்பூசியானது, உள்நாட்டிலேயேத் தயாரிக்கப்பட்ட இந்தியாவின் முதல் mRNA கோவிட்-19 தடுப்பூசி ஆகும்.
- 2-8 டிகிரி செல்சியஸ் வெப்பநிலையில் கூட சேமிக்கப்படும் போதிலும் சிதைவுறாமல் இருக்கும் முதல் mRNA தடுப்பூசி இதுவாகும்.
- மற்ற mRNA தடுப்பூசிகளில் பெரும்பாலானவற்றைச் சுழிய நிலைக்கும் கீழான வெப்ப நிலையில் சேமிக்கப்பட வேண்டும்.
- இது 18 வயதுக்கு மேற்பட்ட அனைத்து வயதினருக்கும், அவசரகாலச் சூழ்நிலைகளில் பயன்படுத்துவதற்காக அதன் அவசரகாலப் பயன்பாட்டிற்கான ஒரு அங்கீகாரத்தைப் பெற்றுள்ளது.
- இந்தியத் தலைமை மருந்துக் கட்டுப்பாட்டு வாரியம் ஆனது இதற்கான ஒப்புதலை அளித்துள்ளது.
- இது புனேவைச் சேர்ந்த ஜென்னோவா என்ற உயிரி மருந்துத் தயாரிப்பு நிறுவனத்தால் உருவாக்கப் பட்டது.
- mRNA என்பது புரதங்களின் உற்பத்திக்குப் பயன்படுத்தப்படும் செல்களில் காணப் படும் RNA வகையான ஒரு தூது RNAவின் சுருக்கமாகும்.
- mRNA தடுப்பூசியானது, நமது உடலுக்குள் நோய் எதிர்ப்பு சக்தியைத் தூண்டும் ஒரு புரதத்தை எவ்வாறு உருவாக்குவது என்பது பற்றி நமது செல்களுக்குக் கற்றுக் கொடுக்கிறது.
- mRNA தடுப்பூசிகள் நமது உடலில் ஊடுருவும் வைரசிற்கு எதிராக போராடுவதற்கான செல்களைச் செயல்படச் செய்வதன் மூலம் தொற்று நோய்களிலிருந்து நம்மைப் பாதுகாக்கிறது.
- நோயெதிர்ப்புச் செயல்முறை என்பது குறிப்பிட்ட ஒரு புரதத்தைக் குறி வைத்து உடலில் ஊடுருவும் வைரஸை எதிர்த்துப் போராடத் தேவையான ஆன்டிபாடிகளை (எதிர்ப் புரதங்களை) உருவாக்க வழிவகுக்கிறது.
- mRNA அடிப்படையிலான கோவிட்-19 தடுப்பூசிகள், இணைப்புப் புரதம் எனப்படும் புரதத்தினை உருவாக்குவதற்கு செல்களுக்கு அறிவுறுத்தல்களை அனுப்புகின்றன.
- இது புதிய கொரோனா வைரசின் மேற்பரப்பில் உள்ள புரதத்தினைப் போன்றது.
- இந்தப் புரதங்கள் அவை மேலும் பிரதி எடுக்கும் நிகழ்வினைத் தடுக்கும் வகையில் வடிவமைக்கப் பட்டுள்ளன.
- பைசர் பயோன்டெக் மற்றும் மாடெர்னா கோவிட்-19 தடுப்பூசிகள் ஆகிய இரண்டும் mRNA தடுப்பூசிகள் ஆகும்.
- ஹைதராபாத்தைச் சேர்ந்த பயோலாஜிக்கல் இ என்ற நிறுவனத்தால் தயாரிக்கப்பட்ட கார்பிவாக்ஸ் கோவிட்-19 தடுப்பூசி குழந்தைகளுக்கு வழங்கப்படுகிறது.
Leave a Reply
Your Comment is awaiting moderation.