நாசா நிறுவனமானது டாவின்சி+ மற்றும் வெரிட்டாஸ் எனும் இரண்டு புதிய மனித எந்திர ஆய்வுத் திட்டங்களை அறிவித்துள்ளது.
இவை வெள்ளிக் கிரகத்தைப் பற்றிய ஆய்வினை மேற்கொள்வதற்காக அனுப்பப்பட உள்ளன.
இவை 2028 மற்றும் 2030 ஆகிய ஆண்டுகளுக்கு இடைப்பட்ட காலத்தில் விண்ணில் ஏவப்படும்.
டாவின்சி+ என்றால் “வெள்ளி கிரகத்தின் நல்லியல்பு வாயு, வேதியியல் பற்றிய ஆழ் வளிமண்டல ஆய்வு மற்றும் புகைப்படமிடல்” என்பதாகும் (Deep Atmosphere Venus Investigation of Noble gases, Chemistry and Imaging – Davinci+).
இது வெள்ளி கிரகத்தின் வளிமண்டலத்தினை அளவிடும்.
மேலும் வெள்ளிக் கிரகத்தில் முன்பு எப்போதாவது பெருங்கடல் இருந்ததா எனவும் இது ஆய்வு செய்ய உள்ளது.
வெரிட்டாஸ் என்றால் “வெள்ளி கிரகத்தின் உமிழ்வுத்திறன், ரேடியோ அறிவியல், InSAR, நில அமைப்பு மற்றும் நிறப்பிரிகை பற்றிய ஆய்வு” (Venus Emissivity, Radio Science, InSAR, Topography and Spectroscopy – Veritas) என்பதாகும்.
இது வெள்ளி கிரகத்தின் புவியியல் சார்ந்த வரலாற்றினைப் புரிந்து கொள்வதற்காக வெள்ளி கிரகத்தின் மேற்பரப்பினை வரைபடமாக்கும்.
அங்கு எரிமலை வெடிப்புகள் மற்றும் நிலநடுக்கங்கள் இன்னும் ஏற்படுகின்றனவா என்பதையும் இது கண்டறியும்.