வர்த்தக மற்றும் மேம்பாட்டுக்கான ஐக்கிய நாடுகளின் மாநாடு (UNCTAD) ‘டிஜிட்டல் பொருளாதார அறிக்கை (DER) 2019’ என்ற தலைப்பில் ஒரு அறிக்கையை வெளியிட்டது.
DER இதற்கு முன்னர் தகவல் பொருளாதார அறிக்கை என்று அழைக்கப்பட்டது.
வளரும் நாடுகளால் டிஜிட்டல் பொருளாதாரத்தில் ஏற்படும் மதிப்பு உருவாக்கம் மற்றும் பிடிப்புக்கான நோக்கத்தை இது ஆராய்கிறது.
அறிக்கையின் சிறப்பம்சங்கள்
சீனாவின் தைவான் மாகாணம், அயர்லாந்து மற்றும் மலேசியா ஆகிய நாடுகளில் தகவல் தொடர்புத் தொழில்நுட்பத் துறை மிகப்பெரியது.
உலகளாவிய கணினி சேவைகள் துறையில் அமெரிக்கா ஆதிக்கம் செலுத்துகிறது.
வளரும் நாடுகளில் இந்தியா கணினி சேவைத் துறையில் மிகப்பெரிய பங்கு வகிக்கிறது.
மேலும், 2010 மற்றும் 2017 ஆகிய ஆண்டுகளுக்கு இடையில் மொத்த உள்நாட்டு உற்பத்தியில் தகவல் தொடர்பு தொழில்நுட்பத் துறையின் மதிப்பு கூட்டப்பட்ட பங்கின் வளர்ச்சி அடிப்படையில் இந்தியா நான்காவது இடத்தில் உள்ளது.
“மொத்தச் சேவை ஏற்றுமதியில் தகவல் தொடர்புத் தொழில்நுட்ப சேவைகளின் பங்கு: சிறந்த 20 நாடுகள், 2017” இல், இந்தியா இரண்டாம் இடம் வகிக்கிறது. இதில் அயர்லாந்து முதலிடத்தில் உள்ளது. இந்தியா இத்தகைய சேவைகளை ஏற்றுமதி செய்யும் நாடுகளில் மிகப்பெரியது ஆகும்.
தொலைத் தொடர்பு சேவைகளின் மிகப்பெரிய மூன்று உற்பத்தியாளர்கள் வளரும் நாடுகளான சீனா, இந்தியா மற்றும் பிரேசில் ஆகியவை ஆகும்.