TNPSC Thervupettagam
✖
 
02, Apr 2025
TNPSC Group I Topper Corner
தமிழ் English
தேடல்
தமிழ்நாட்டுச் செய்திகள்

தமிழ்நாடு நிதிநிலை அறிக்கையின் முக்கிய அறிவிப்புகள்

March 15 , 2025 18 days 109 0
  • அடுத்த இரண்டு ஆண்டுகளில், சுமார் 20 லட்சம் கல்லூரி மாணவர்களுக்கு அவர்களின் விருப்பத் தேர்வின் அடிப்படையில் வரைப்பட்டிகை அல்லது மடிக்கணினி வழங்கப் படும்.
  • 2025 ஆம் ஆண்டு ஏப்ரல் 01 ஆம் தேதி முதல், பெண்களின் பெயரில் 10 லட்சம் வரை மதிப்புள்ள சொத்துக்கள் பதிவு செய்யப்பட்டால் 1% குறைவான பத்திர வரி விதிக்கப் படும்.
  • பெற்றோர் இருவரையும் இழந்த குழந்தைகள் தங்கள் கல்வியைத் தொடர 2,000 ரூபாய் உதவித்தொகை வழங்கப்படும்.
  • கீழடி (சிவகங்கை), தெலுங்கனூர் (சேலம்), ஆதிச்சனூர் (கள்ளக்குறிச்சி) மற்றும் நாகப்பட்டினம் உள்ளிட்ட 8 இடங்களில் தொல்பொருள் அகழ்வாராய்ச்சிகள் இனிமேல் மேற்கொள்ளப் பட உள்ளன.
  • கலைஞர் வீட்டு வசதித் திட்டத்தின் கீழ், 3,500 கோடி ரூபாய் செலவில் 1 லட்சம் வீடுகள் கட்டப்படும்.
  • சென்னைக்கு அருகில் சுமார் 2000 ஏக்கருக்கும் அதிகமான பரப்பளவில் ஒரு புதிய நகரம் உருவாக்கப்பட உள்ளது.
  • அரசுப் பள்ளிகளின் உள்கட்டமைப்பை மேம்படுத்துவதற்காக 1,000 கோடி ரூபாய் நிதி ஒதுக்கப்பட்டுள்ளது.
  • மிகவும் அதிகரித்து வரும் சுற்றுலாப் பயணிகளின் வருகையைக் கருத்தில் கொண்டு, இராமநாதபுரம் மாவட்டத்தின், இராமேஸ்வரத்தில் புதிய விமான நிலையம் நிறுவப் பட உள்ளது.
  • தமிழ்நாட்டில் சுமார் 1.50 லட்சம் தொழிலாளர்களுக்கு தொகுப்புக் காப்பீட்டுத் திட்டம் அறிமுகப்படுத்தப்பட உள்ளது.
  • மதுரை, கோயம்புத்தூர், திருச்சி, சேலம், திருப்பூர், ஈரோடு, தூத்துக்குடி, வேலூர், தஞ்சாவூர் மற்றும் திண்டுக்கல் ஆகிய இடங்களில் 10 கோடி ரூபாய் செலவில் ‘அன்புச்சோலை’ எனும் முதியோர் இல்லங்கள் அமைக்கப்பட உள்ளன.
  • அருகி வரும் உயிரினங்கள் வளங்காப்பு நிதியிலிருந்து 1 கோடி ரூபாய் செலவில் வேட்டைப் பறவை ஆராய்ச்சி அறக்கட்டளை நிறுவப்படும்.
  • இதுவரையில் 28 இந்திய மொழிகளிலும் 35 உலக மொழிகளிலும் திருக்குறள் மொழி பெயர்க்கப் பட்டுள்ளது.
  • மூன்று ஆண்டுகளுக்குள் ஐக்கிய நாடுகள் சபையினால் அங்கீகரிக்கப்பட்ட சுமார் 193 அதிகாரப் பூர்வ மொழிகளிலும் திருக்குறள் கிடைக்கப் பெறச் செய்யும் வகையில், இதனை மொழிபெயர்க்க 133 கோடி ரூபாய் ஒதுக்கப்பட்டுள்ளது.
  • ஈரோட்டில் கொடுமணல் அகழ்வாராய்ச்சிகளை மையமாகக் கொண்ட ‘நொய்யல் அருங்காட்சியகம்’  மற்றும் இராமநாதபுரத்தில் ‘நாவாய் அருங்காட்சியகம்’ ஆகிய இரண்டு புதிய அருங்காட்சியகங்கள் நிறுவப்படும்.
  • 'உலகத் தமிழ் ஒலிம்பியாட்' போட்டியானது ஆண்டுதோறும் மாணவர்களுக்கு கணினி அடிப்படையிலான தேர்வாக உலகளவில் நடத்தப்படும் என்பதோடு இதில் முன்னணி இடங்களைப் பெறுபவர்களுக்கு 1 கோடி ரூபாய் பரிசளிக்கப்படும்.
  • தமிழின் தொன்மையை வெளிப்படுத்துவதற்காக மதுரை உலகத் தமிழ்ச் சங்கத்தில் ‘அகரம் - மொழிகளின் அருங்காட்சியகம்’ நிறுவப்படும்.


Post Views:
109

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்