TNPSC Thervupettagam
✖
 
03, Apr 2025
TNPSC Group I Topper Corner
தமிழ் English
தேடல்
தமிழ்நாட்டுச் செய்திகள்

தமிழ்நாட்டின் வளங்காப்பு முன்னெடுப்புகள்

March 31 , 2025 3 days 72 0
  • தமிழ்நாடு மாநில அரசானது, ஆனைமலை புலிகள் வளங்காப்பகத்தில் ஒரு சிறப்பு மையத்தினை நிறுவச் செய்வதன் மூலம் இருவாச்சி பறவைகளின் வாழ்விடங்களைப் பாதுகாப்பதற்கான வளங்காப்பு முயற்சிகளைத் தொடங்க உள்ளது.
  • சிங்கவால் குரங்கு, சென்னை முள்ளெலி/முள்ளம்பன்றி, கழுதைப் புலிகள் மற்றும் பெளி மீன்கள் போன்ற அருகி வரும் உயிரினங்களின் வாழ்விடப் பாதுகாப்பு, அதன் எண்ணிக்கை மதிப்பீடு மற்றும் சமூக விழிப்புணர்வு திட்டங்களுக்காக 1 கோடி ரூபாய் நிதி ஒதுக்கப்பட்டு பாதுகாக்கப்படும்.
  • வங்காள நரி மற்றும் குள்ள நரி ஆகியவற்றின் வளங்காப்பிற்கு வேண்டி முன்னுரிமை அளிக்கப் படும்.
  • வனத்துறையானது, சிற்றாமைகள் திரளும் பகுதிகளை அடையாளம் காண்பதற்காக 84 லட்சம் ரூபாய் செலவில் தனது முதல் தொலை அளவியல் ஆய்வை மேற்கொள்ள உள்ளது.
  • மாநில அரசானது, சமூக வளங்காப்பு தலைமைத்துவ விருதுகளை உருவாக்குவதோடு, 20,000 மாணவர்களுக்கு சான்றிதழ் திட்டத்தைத் தொடங்க உள்ளது.
  • சென்னை வண்டலூரில் உள்ள மேம்பட்ட வனவிலங்கு வளங்காப்பு நிறுவனத்தில், வளங்காப்பு மற்றும் பரிணாம மரபியல் மையம் மற்றும் உயிரினங்களின் உயிர்ப் பிழைப்பு மையம் ஆகிய இரண்டு புதிய ஆராய்ச்சி மையங்களை மாநில அரசு நிறுவ உள்ளது.
  • விருதுநகர், கள்ளக்குறிச்சி, இராமநாதபுரம், நாகப்பட்டினம், நீலகிரி மற்றும் மேக மலை ஆகிய ஆறு இடங்களில் ஆறு புதிய வனவிலங்கு வளங்காப்பு காப்பு மையங்கள் அமைக்கப் படும்.
  • சேலத்தில் உள்ள குரும்பப்பட்டி உயிரியல் பூங்கா மற்றும் வேலூரில் உள்ள அமிர்தி உயிரியல் பூங்காவை மேம்படுத்துவதற்காக என அரசாங்கம் 5 கோடி முதலீடு செய்ய உள்ளது.
  • கடல் சார் பல்லுயிர்ப் பெருக்கத்தைப் பாதுகாக்க சென்னை கடற்கரைக்கான சிறப்புக் கடல் சார் படை உருவாக்கப்படும்.
  • மனித-யானை மோதலைத் தணிப்பதற்காக வேண்டி திண்டுக்கல்லில் விரைவு பதில் நடவடிக்கைக் குழு உருவாக்கப்படும்.
  • சென்னை, கோயம்புத்தூர், மதுரை, திருச்சி, திருப்பூர் மற்றும் சேலம் ஆகிய சில இடங்களில் மரக் கணக்கெடுப்பு மற்றும் பசுமைத் தளங்கள் மதிப்பீடு நடத்தப்படும்.


Post Views:
72

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்