PREVIOUS
✖
தமிழ்நாட்டில் இரும்புக் காலம்
January 26 , 2025
11 hrs 0 min
41
0
- தமிழ்நாடு மாநில அரசானது 'இரும்பின் தொன்மை: தமிழ்நாட்டிலிருந்து கிடைக்கப் பெற்ற சமீபத்திய கதிரியக்கக் கால மதிப்பீட்டுத் தேதிகள்' என்ற தலைப்பிலான ஒரு அறிக்கையினை வெளியிட்டுள்ளது.
- தூத்துக்குடி மாவட்டத்தில் உள்ள சிவகளையில் கிடைக்கப் பெற்ற முதுமக்கள் தாழி மாதிரிகளின் கதிரியக்கக் கால மதிப்பீடு மூலம் இந்தப் புதியக் கண்டுபிடிப்பு ஆனது மேற்கொள்ளப்பட்டுள்ளது.
- இன்றையத் தமிழ்நாட்டில் இரும்பு காலம் என்பது சுமார் கி.மு. 3,345 ஆம் ஆண்டிலேயே தொடங்கியிருக்கலாம் என்று இந்த ஆய்வில் தெரியவந்துள்ளது.
- இப்புதியக் கண்டுபிடிப்புகளானது தமிழக நிலப்பரப்பில் இரும்பு அறிமுகமான காலம் ஆனது 5,300 ஆண்டுகளுக்குப் பிந்தையது என்று கூறுகிறது.
- இந்தக் கண்டுபிடிப்பு ஆனது, வடக்கு மற்றும் வடமேற்கு இந்தியாவில் சிந்து சமவெளி நாகரிகம் இருந்த அதே காலக் கட்டத்தில் தென்னிந்தியாவில் இரும்புக் கால நாகரிகம் இருந்ததாகக் கூறுகிறது.
- இந்தக் கண்டுபிடிப்புகளுக்கு முன்பு, தமிழ்நாட்டின் முற்கால இரும்புப் பொருட்கள் சுமார் கி.மு. 2172 ஆம் ஆண்டு காலத்தைச் சேர்ந்த கிருஷ்ணகிரி மாவட்டத்தில் உள்ள மயிலாடும்பாறையில் இருந்து கண்டெடுக்கப்பட்டன.
- கூடுதலாக, மற்றொரு அகழாய்வுத் தளமான தூத்துக்குடி மாவட்டத்தில் உள்ள ஆதிச்ச நல்லூர் பகுதியில், கி.மு. 2517 ஆம் காலத்தைச் சேர்ந்த இரும்புப் பொருட்களுடன் தொடர்புடைய ஒரு நிலக்கரி மாதிரி கண்டெடுக்கப்பட்டது.
- இதனுடன் ஒப்பிடுகையில், கர்நாடகாவில் உள்ள பிரம்மகிரி மற்றும் ஐதராபாத்திற்கு அருகிலுள்ள காச்சிபெளலி போன்ற இந்தியாவின் பிற பகுதிகளிலிருந்து கிடைக்கப் பட்ட இரும்புப் பொருட்கள் முறையே கி.மு. 2140 மற்றும் கி.மு. 2200 ஆம் காலக் கட்டத்தினைச் சேர்ந்தவையாகக் கூறப்படுகின்றன.
- இதற்கு முன் சுமார் கி.மு. 1,380 ஆம் ஆண்டுக்கு முந்தைய காலக்கட்டத்தினைச் சேர்ந்த சான்றுகள் கிடைக்கப் பெற்றதால் ஹிட்டைட் பேரரசு என்பது (நவீன கால துருக்கியில்) இரும்பைப் பயன்படுத்திய முதல் நாகரிகம் என்று நம்பப்பட்டது.
Leave a Reply
Your Comment is awaiting moderation.