PREVIOUS
✖
தேசிய காலநிலைப் பாதிப்பு அறிக்கை
April 23 , 2021
1187 days
624
0
- அறிவியல் மற்றும் தொழில்நுட்ப துறையானது சமீபத்தில் தேசிய காலநிலைப் பாதிப்பு அறிக்கையினை வெளியிட்டது.
- இந்த அறிக்கை தற்போதைய காலநிலை அபாயங்கள் மற்றும் பாதிப்பை ஏற்படுத்தும் முக்கியக் காரணிகள் ஆகியவற்றைப் பொறுத்து இந்தியாவில் மிகவும் பாதிப்புக்குள்ளாகும் மாநிலங்கள் மற்றும் மாவட்டங்களை அடையாளம் காணுகிறது.
- இந்த அறிக்கையின் படி, நாட்டின் எட்டு கிழக்கு மாநிலங்கள் காலநிலை மாற்றத்தால் அதிகம் பாதிக்கப்படக் கூடும்.
- அவை மிசோரம், பீகார், மேற்கு வங்காளம், அருணாச்சலப் பிரதேசம், சத்தீஸ்கர், ஒடிசா, ஜார்க்கண்ட் மற்றும் அசாம் ஆகியனவாகும்.
- அசாம், ஜார்க்கண்ட் மற்றும் பீகார் ஆகியவை 60%க் என்ற அளவிற்கும் மேலான “அதிகம் பாதிப்புக்குள்ளாகும் மாவட்டங்கள்” எனும் பிரிவினைச் சேர்ந்த மாவட்டங்களைக் கொண்டு உள்ளன.
- ஜார்க்கண்ட் 0.67 எனும் அதிகம் பாதிப்புக்குள்ளாகும் குறியீட்டினைப் பெற்றுள்ளது.
- ஜார்க்கண்ட்டை அடுத்து மிசோரம், ஒடிசா, சத்தீஸ்கர், அசாம், பீகார் மற்றும் அருணாச்சலப் பிரதேசம் ஆகியவை இக்குறியீட்டில் இறங்குவரிசையில் உள்ளன.
- இவை “ஒப்பீட்டளவில் மிகவும் பாதிப்புக்குள்ளாகும் மாநிலங்கள்” என பெயரிடப் பட்டு உள்ளன.
- மகாராஷ்டிரா 0.42 என்ற மிகக்குறைவான பாதிப்புக்குள்ளாகும் குறியீட்டு அளவினைப் பெற்றுள்ளது.
- மகாராஷ்டிராவைத் தவிர கோவா, கேரளா, தமிழ்நாடு ஹரியானா ஆகிய மாநிலங்கள் மிகவும் குறைவான பாதிப்புக்குள்ளாகும் மாநிலங்களாக உள்ளன.
- இவை “மிகவும் குறைவான பாதிப்புக்குள்ளாகும் மாநிலங்கள்” எனப் பெயரிடப் பட்டு உள்ளன.
Leave a Reply
Your Comment is awaiting moderation.