முக்கிய தினங்கள்

நல்லாட்சி வாரம் 2022

December 24 , 2022 609 days 298 0

மத்தியப் பணியாளர், பொதுமக்கள் குறைகள் மற்றும் ஓய்வூதியத் துறை அமைச்சர் டாக்டர் ஜிதேந்திர சிங், 2022 ஆம் ஆண்டிற்கான இந்திய நல்லாட்சி வாரத்திற்கான கொண்டாட்டங்களை (டிசம்பர் 19-25 வரை) புது டெல்லியில் உள்ள விஞ்ஞான் பவனில் தொடங்கி வைத்தார்.
முன்னாள் பிரதமர் அடல் பிஹாரி வாஜ்பாய் அவர்களின் பிறந்த நாளை நினைவு கூரும் வகையில், “பிரஷாசன் கோன் கி ஓரே” என்ற ஐந்து நாள் அளவிலான தேசியப் பிரச்சாரத்தையும் அந்த அமைச்சர் தொடங்கி வைத்தார்.
இந்தியாவின் முன்னாள் பிரதமர், பாரத ரத்னா விருது பெற்ற மறைந்த அடல் பிஹாரி வாஜ்பாய் அவர்களின் நினைவாக, நல்லாட்சி தினம் (டிசம்பர் 25) மற்றும் நல்லாட்சி வாரம் ஆகியவை கொண்டாடப் படுகிறது.