PREVIOUS
✖
பதினைந்தாவது நிதி ஆணைய அறிக்கை
November 13 , 2020
1476 days
2404
0
- இது என் கே சிங் அவர்களால் தலைமை தாங்கப் படுகின்றது.
- 15வது நிதி ஆணையமானது இரண்டு அறிக்கைகளை வெளியிட வேண்டி இருந்தது.
- முதல் அறிக்கையில் 2020-21 நிதியாண்டிற்கான பரிந்துரைகள் இருந்தன.
- இது 2021/2026 காலத்திற்கான தனது இரண்டாவது அறிக்கையை இந்திய குடியரசுத் தலைவரிடம் சமர்ப்பித்துள்ளது.
- இது பாராளுமன்றத்தில் அரசாங்கத்தால் தாக்கல் செய்யப் பட்டவுடன், அதன் பரிந்துரைகள் குறித்து அதன் மீது எடுக்கப்பட்ட நடவடிக்கைகளின் மீதான ஒரு அறிக்கையுடன் பொதுவெளியில் கிடைக்கும்.
முக்கியமான பரிந்துரைகள்
- மத்திய வரி வருவாயில் 41% மாநிலங்களுக்குக் கிடைக்கும்.
- உள்ளாட்சி அமைப்புகளுக்கு 4.3 லட்சம் கோடி ரூபாய் ஒதுக்கீடு.
- சுகாதாரப் பராமரிப்புக்கு ரூ .1 லட்சம் மானியம்.
- 17 மாநிலங்களுக்கு ரூ .2.9 லட்சம் கோடி வருவாய்ப் பற்றாக்குறை மானியம்.
- முன்னதாக, பதினான்காவது நிதி ஆணையம் 42% என்ற அளவைப் பரிந்துரை செய்து இருந்தது.
- சுகாதாரத் திறன்களை மேம்படுத்துவதற்காக வேண்டி மாநிலங்கள் தங்கள் நிதி அறிக்கையில் குறைந்தது 8% என்ற அளவினை ஒதுக்கி வைக்குமாறு கேட்டுக் கொள்ளப் பட்டு உள்ளன.
- பாதுகாப்பு நவீனமயமாக்கல் மற்றும் உள்நாட்டுப் பாதுகாப்பு நிதியத்தை அமைக்க இந்த ஆணையம் பரிந்துரை செய்துள்ளது.
- இந்த நிதியானது 2021-26 ஆண்டிற்குள் ரூ.2.4 லட்சம் கோடி வரை சேர்க்கப்பட உள்ளது.
- இதில் ரூ .1.5 லட்சம் கோடியானது நேரடியாக இந்தியத் தொகுப்பு நிதிக்கு மாற்றப்பட உள்ளது.
- மாநிலங்களின் பங்கை நிர்ணயிக்கும் போது 15வது நிதி ஆணையம் பின்வரும் அளவுகோல்களைப் பயன்படுத்தி உள்ளது. அவையாவன
- மாநில வருமானத்தின் பற்றாக்குறை அளவிற்கேற்ப 45%,
- 2011 ஆம் ஆண்டில் கணக்கெடுக்கப்பட்ட மக்கள் தொகைக்கு ஏற்ப 15%,
- மாநிலத்தின் பரப்பளவிற்கேற்ப 15%,
- காடு மற்றும் சுற்றுச்சூழலுக்கு ஏற்ப 10%,
- மக்கள் தொகைசார் செயல்திறனுக்குஏற்ப 12.5%,
- வரி முயற்சிக்கு (tax effort)ஏற்ப 2.5%.
- உத்தரப் பிரதேசம் மற்றும் பீகார் ஆகியவை 2020-21 ஆம் ஆண்டுகளுக்கான அதிகமான நிதிப் பகிர்வுகளைப் பெற்றுள்ளன.
- கர்நாடகா மற்றும் கேரளா ஆகியவை அதன் பங்குகளில் மிகப்பெரிய குறைவைக் கண்டுள்ளன.
- நிதி ஆணையத்தின் குறிப்பு விதிமுறைகள், மாநிலங்களுக்கு மானிய உதவிகளைப் பரிந்துரைக்க வேண்டும். இதில் பின்வருவன அடங்கும்
- வருவாய்ப் பற்றாக்குறை மானியங்கள்,
- உள்ளாட்சி அமைப்புகளுக்கு மானியம் மற்றும்
- பேரிடர் மேலாண்மை மானியங்கள்.
Leave a Reply
Your Comment is awaiting moderation.