PREVIOUS
✖
பழங்குடியினக் கிராமங்களில் மேற்கொள்ளப்படும் திட்டங்களின் மதிப்பீடு
August 23 , 2024
92 days
153
0
- 2011 ஆம் ஆண்டு மக்கள்தொகை கணக்கெடுப்பின்படி, தமிழக மாநிலத்தில் 36 பழங்குடியின உட்பிரிவுகள் உள்ளனர்.
- அந்தப் பிரிவுகளில் முக்கியப் பழங்குடியின சமூகத்தினர் மலையாளி, தோடர்கள், குரும்பர்கள், பனியர்கள், இருளர்கள், காட்டுநாயக்கர்கள், கணிக்கர்கள், பள்ளியர்கள் மற்றும் காடர் ஆகியப் பிரிவுகள் ஆகும்.
- இவற்றுள் தோடர்கள், கோத்தர், குரும்பர்கள், கட்டுநாயக்கர்கள், பனியர்கள், இருளர்கள் ஆகியோர் ‘ஆதிகாலப் பழங்குடியினர்’ என்று குறிப்பிடப் பட்டுள்ளனர்.
- 2011 ஆம் ஆண்டு மக்கள் தொகைக் கணக்கெடுப்பின்படி, இந்த மாநிலத்தின் ஒருங்கிணைந்தப் பட்டியலிடப்பட்ட பழங்குடியினர்களின் மக்கள் தொகை ஆனது 7.94 லட்சமாக உள்ள நிலையில் இது மாநிலத்தின் மொத்த மக்கள் தொகையில் 1.10 சதவிகிதம் (இது 721 லட்சம்) ஆகும்.
- 7.94 லட்சம் பழங்குடியின மக்களில் 50.5 சதவீதம் பேர் ஆண்கள், 49.5 சதவீதம் பேர் பெண்கள் ஆவர்.
- கிழக்குத் தொடர்ச்சி மலையில் உள்ள பழங்குடியினர் அதிகம் வசிக்கும் சேலம், கள்ளக்குறிச்சி மற்றும் திருவண்ணாமலை ஆகிய மாவட்டங்களில் அரசுத் திட்டங்களைச் செயல்படுத்துவது குறித்து மாநிலத் திட்டக்குழு (SPC) விரிவான மதிப்பீட்டை மேற்கொண்டது.
- அடிப்படை உள்கட்டமைப்பு, போக்குவரத்து மற்றும் கல்வி ஆகியவற்றில் பெரும் சவால்கள் நீடித்து காணப் படுவதனை இது கண்டறிந்தது.
- அரசுப் பேருந்து சேவைகளின் நிகழ் நிலை மற்றும் எண்ணிக்கை ஆகிய இரண்டையும் அதிகரிக்க வேண்டிய அவசியம் ஏற்பட்டுள்ளது.
- இந்த மலைப் பகுதிகளில் மாநில அரசின் பெண்களுக்கான இலவசப் பேருந்துப் பயணச் சேவைத் திட்டமானது கிடைக்கப் பெறுவதில்லை என்பதும் கண்டறியப் பட்டது.
- கல்வியில் இடைநிற்றல் விகிதங்களைக் குறைக்கவும், மாணவர் சேர்க்கையை வெகுவாக அதிகரிக்கவும் அதிகப் பள்ளிகளை நிறுவி, தற்போதுள்ள உயர்நிலைப் பள்ளிகளை மேல்நிலைப் பள்ளிகளாக தரம் உயர்த்த வேண்டிய ஒரு அவசியமும் உள்ளது.
- பழங்குடியினர் பகுதியில், அரசு தொழில்துறை பயிற்சி நிறுவனங்கள் தவிர, அரசு அல்லது தனியார் தொழில்நுட்பப் பயிலகம் மற்றும் கலை அறிவியல் கல்லூரிகள் எதுவும் இல்லை.
- பருவகாலம் காரணமாக ஒட்டு மொத்தக் குடும்பங்களும் வேலைவாய்ப்பிற்காக வேறு மாநிலங்களுக்கு இடம் பெயர்வது அவர்கள் கல்வியை இடைநிறுத்துவதற்கு வழி வகுத்துள்ளது.
- 97 சதவீதத்திற்கும் அதிகமான குடும்பங்கள் வாக்காளர் அடையாள அட்டை மற்றும் ஆதார் அட்டை ஆகிய இரண்டையும் வைத்திருப்பதாகவும் ஆய்வில் கண்டறியப் பட்டுள்ளது.
- தோராயமாக 10 சதவீத குடும்பங்கள் தபால் அலுவலகத்தில் சேமிப்புக் கணக்கு வைத்துள்ளனர்.
- 85 சதவீதத்திற்கும் அதிகமானோர் வங்கியில் கணக்கு வைத்துள்ளனர்.
- 60 சதவீதத்திற்கும் அதிகமான குடும்பங்கள் சாதிச் சான்றிதழ்களை வைத்து இருக்கின்றனர், அதே சமயம் சுமார் 15 சதவீதத்தினரிடம் மட்டுமே பழங்குடியினர் அடையாள அட்டைகள் உள்ளன.
- பழைய மற்றும் பிரபலமான அரசு நலத் திட்டங்களைப் பற்றி அவர்கள் நன்கு அறிந்திருந்தனர் ஆனால் புதிய திட்டங்களைப் பற்றிய பெரும் ஒரு விழிப்புணர்வு அவர்களிடம் குறைவாகவே இருந்தது.
Leave a Reply
Your Comment is awaiting moderation.