பாதுகாப்பு ஆராய்ச்சி மற்றும் மேம்பாடு நிறுவன விருதுகள் - 2016 & 2017
May 22 , 2018 2281 days 973 0
தேசிய தொழிற் நுட்ப தினத்தை நினைவு கூர்வதற்காகவும், பாதுகாப்புத் துறையில் ஆராய்ச்சி மற்றும் மேம்பாட்டுப் பணிகளில் பாதுகாப்பு ஆராய்ச்சி மற்றும் மேம்பாட்டு நிறுவனத்தினுடைய (Defence Research and Development Organisation-DRDO) பல்வேறு ஆராய்ச்சியாளர்களின் மாபெரும் பங்களிப்பினை கவுரவிப்பதற்காகவும் DRDO-வின் பல்வேறு ஆராய்ச்சியாளர்களுக்கு மத்திய இராணுவப் பாதுகாப்புத் துறை அமைச்சர் நிர்மலா சீதாராமன் 2016 மற்றும் 2017 ஆம் ஆண்டிற்கான பாதுகாப்பு ஆராய்ச்சி மற்றும் மேம்பாட்டு நிறுவன விருதுகளை வழங்கியுள்ளார்.
பாதுகாப்புத் துறை அமைச்சரின் அறிவியல் ஆலோசகர் (Scientific Advisor to Raksha Mantri), பாதுகாப்புத் துறையின் ஆராய்ச்சி மற்றும் மேம்பாட்டுப் பிரிவின் முன்னாள் செயலாளர் மற்றும் DRDO-வின் பொது இயக்குநரான டாக்டர் வி.கே. சரஸ்வத்திற்கு (Dr V K Saraswat) 2017 ஆம் ஆண்டின் பாதுகாப்பு ஆராய்ச்சி மற்றும் மேம்பாட்டு நிறுவனத்தின் வாழ்நாள் சாதனையாளர் விருது (DRDO Lifetime Achievement Award – 2017) வழங்கப்பட்டுள்ளது.
பாதுகாப்புத் துறை அமைச்சரின் அறிவியல் ஆலோசகர் (Scientific Advisor to Raksha Mantri), பாதுகாப்புத் துறையின் ஆராய்ச்சி மற்றும் மேம்பாட்டுப் பிரிவின் முன்னாள் செயலாளர் மற்றும் DRDO-வின் பொது இயக்குநரான டாக்டர்.வாசு தேவ் கல்குன்டே ஆத்ரே (Dr Vasudev Kalkunte Aatre) அவர்களுக்கு 2016-ஆம் ஆண்டின் பாதுகாப்பு ஆராய்ச்சி மற்றும் மேம்பாட்டு நிறுவனத்தின் வாழ்நாள் சாதனையாளர் விருது வழங்கப்பட்டுள்ளது.
2016-ஆம் ஆண்டிற்கான பாதுகாப்பு ஆராய்ச்சி மற்றும் மேம்பாட்டு நிறுவனத்தின் தொழில்நுட்ப தலைமைத்துவ விருது (DRDO Technology Leadership Award – 2016) ஏவுகணை மற்றும் பாதுகாப்பு முக்கியத்துவ அமைப்புப் பிரிவின் பொது இயக்குனர் (Director General of Missiles & Strategic Systems) மற்றும் புகழ்மிக்க ஆராய்ச்சியாளரான, பாதுகாப்புத் துறை அமைச்சரின் அறிவியல் ஆலோசகரான டாக்டர்.சதீஸ் ரெட்டிக்கு வழங்கப்பட்டுள்ளது.