கால்பந்தின் பெருமைமிக்க கௌரவமான பாலோன் டி ஆர் (Ballon d’Or) விருதினை குரோஷியாவின் நடுகள வீரரான லூகா மாட்ரிக் பெற்றுள்ளார்.
குரோஷியாவை வரலாற்றுச் சிறப்புமிக்க பிஃபா உலகக் கோப்பை இறுதிப் போட்டிக்கு வழி நடத்தியமை (பிரான்ஸால் தோற்கடிக்கப்பட்டது) மற்றும் ரியல் மாட்ரிட் கிளப்பின் 3-வது நேரடி சாம்பியன்ஸ் லீக் டிராபி வெற்றி ஆகியவற்றில் அவரின் முக்கிய பங்களிப்பிற்காக இந்த விருது வழங்கப்பட்டது.
இதன்மூலம் இவர் லியோனல் மெஸ்ஸி மற்றும் கிறிஸ்டியானோ ரொனால்டோ ஆகியோரின் ஏறக்குறைய பத்தாண்டு கால ஆதிக்கத்தை முடிவிற்கு கொண்டு வந்தார். இவர்கள் இருவரும் 2008-லிருந்து இந்த விருதுகளைத் தொடர்ந்துப் பெற்று வந்தனர்.
பெண்களுக்கான பாலோன் டிஆர் விருதினை நார்வேயின் அடா ஹெகர் பெர்க் (23) பெற்றார். இது பெண்களுக்கான பாலோன் டிஆர் விருது வழங்குதலின் முதல் பதிப்பாகும்.
இவர் பிரெஞ்சு அணியான லியான் உடன் இணைந்து 3 முறை பெண்களுக்கான சாம்பியன்ஸ் லீக்கில் வெற்றி பெற்றார் மற்றும் கடந்த பருவத்தில் போட்டித் தொடரின் சாதனையான 15 கோல்களை அவர் அடித்தார்.