பிபா உலகக் கோப்பை இறுதிப் போட்டி - 2018

பொதுத் தகவல்கள்

• உலகக் கோப்பை என்பது 18 காரட் தங்கத்திலான, 14 இன்ச் உயரமுடைய, 11 பவுண்ட் எடை கொண்ட கோப்பையாகும்.
• இது பிபா உலகக் கோப்பையின் 21வது இறுதிப் போட்டியாகும்.
• பிபா உலகக் கோப்பையின் இறுதிப்போட்டி 2018-ஆம் ஆண்டு, ஜூலை 15 ம் தேதி, ரஷ்யாவின் மாஸ்கோவில் லுஸ்நிக்கி மைதானத்தில் நடைபெற்றது.
• உலகக் கோப்பை இறுதிப்போட்டியில் முதன்முறையாக காணொளி நடுவர் உதவி (video assistant referee) என்ற முறையின் மூலம் பெனால்டி வாய்ப்பு பிரான்ஸ் அணிக்கு அளிக்கப்பட்டது.
• உலகக் கோப்பையின் இறுதிப் போட்டியில் முதன்முறையாக தனக்குத் தானே கோல் அடிக்கப்பட்டது (குரோஷியாவின் மரியோ மாண்ட்சூகிக் மூலம்). மேலும் இது எந்த உலகக் கோப்பையிலும் இல்லாத அளவாக 12வது முறையான சொந்த கோல் ஆகும்.
• முதல் பாதியில் அடிக்கப்பட்ட 3 கோல்கள் 1974-ம் ஆண்டு உலகக் கோப்பை இறுதிப் போட்டிக்கு பிறகு அதிகம் அடிக்கப்பட்டதாகும்.
• 1966-ம் ஆண்டு இங்கிலாந்து மேற்கு ஜெர்மனியை 4-2 என்ற கோல் கணக்கில் வீழ்த்தியதற்கு பிறகு அதிக கோல்கள் அடிக்கப்பட்ட இறுதிப் போட்டி இதுவாகும்.
• மேலும் இறுதிப் போட்டியில் விளையாடிய இரண்டு அணிகளும் ஐரோப்பிய கண்டத்தைச் சேர்ந்த வகையில் இந்த வருட இறுதிப்போட்டி 9 வது போட்டியாகும். இதற்கு முன்னால் இவ்வாறு ஏற்பட்டது 2006 மற்றும் 2010 ம் ஆண்டுகளில் ஆகும்.
• இப்போட்டியை லுஸ்நிக்கி மைதானத்தில் ஏறக்குறைய 78,011 ரசிகர்கள் கண்டு களித்தனர்.
• இவர்களில் 10 நாட்டுத் தலைவர்களும் அடங்குவர்.
• அவர்களில் முதன்மையானவர்கள் ரஷ்ய அதிபர் விளாடிமிர் புதின், பிரான்சு அதிபர் இம்மானுவேல் மேக்ரான், குரோஷிய அதிபர் கொலின்டா கிராபார்-கிதாரோவிக்.

2018 உலகக் கோப்பையில் பிபா விருதுகள்

• சிறந்த வீரருக்கான தங்கப் பந்து - லுகா மோட்ரிக் (குரோசியா)
• வெள்ளிப் பந்து - ஈடன் ஹசார்ட் (பெல்ஜியம்)
• வெண்கலப் பந்து - அன்டோய்னி கிரீஸ்மேன் (பிரான்ஸ்)
• அதிகபட்ச கோல் அடித்தவர் தங்க காலணி - ஹாரி கேன் (இங்கிலாந்து) - ஆறு கோல்கள்
• வெள்ளி காலணி - அன்டோய்னி கிரீஸ்மேன் (பிரான்ஸ்) நான்கு கோல்கள் மற்றும் இரண்டு துணை புரிதல்கள்
• வெண்கல காலணி - ரோமேலு லுகாகு (பெல்ஜியம்) நான்கு கோல்கள்
• சிறந்த கோல்கீப்பர் விருது - தங்க கையுறை - தைபவுட் கோர்ட்டோயிஸ் (பெல்ஜியம்)
• சிறந்த இளம் வீரர் - பிபா இளம் வீரர் - கைலியன் பாப்பி (பிரான்ஸ்)
• நேர்மையான அணி பிபா நேர்மையான விளையாட்டிற்கான கோப்பை - ஸ்பெயின்
• ஆட்ட நாயகன் விருது (இறுதிப்போட்டி) - அன்டோய்னி கிரீஸ்மேன் (பிரான்ஸ்)

பிரான்ஸ்

• பிரான்ஸ் குரோஷியாவை 4-2 என்ற கோல் கணக்கில் இறுதிப் போட்டியில் தோற்கடித்தது.
• பிரான்ஸ் அணிக்கு இது மூன்றாவது உலகக் கோப்பை இறுதிப் போட்டியாகும். முதல் இறுதிப் போட்டி 1998 ம் ஆண்டில் அப்போட்டியை நடத்தியதோடு அதில் பங்கேற்று, அப்போதைய நடப்புச் சாம்பியனான பிரேசில் அணியை 3-0 என்ற கோல் கணக்கில் வீழ்த்தி வெற்றி பெற்றது.
• 2006-ம் ஆண்டு இறுதிப் போட்டியிலும் பிரான்ஸ் பங்கேற்றது. அதில் 1-1 என்ற கோல் கணக்கில் சமநிலை ஏற்பட்டு, இறுதியில் பெனால்டி முறை மூலம் இத்தாலியிடம் தோல்வியடைந்தது.
• ஜெர்மனியும் (எட்டு முறை), இத்தாலியும் (ஆறு முறை) மட்டுமே இறுதிப் போட்டியில் அதிக முறை பங்குபெற்ற ஐரோப்பிய நாடுகளாகும்.
• 2002-ம் ஆண்டில் பிரேசிலுக்குப் பிறகு, 32 அணிகள் பங்கேற்கும் உலகக் கோப்பையில் அனைத்து நாக்-அவுட் ஆட்டங்களிலும் கூடுதல் நேரமோ அல்லது பெனால்டி முறை இல்லாமலோ வெற்றி பெற்ற இரண்டாவது அணி பிரான்ஸ் ஆகும்.
• இவ்வெற்றியின் வாயிலாக பிரான்ஸ் அணி 2021 - பிபா கூட்டமைப்புக் கோப்பையில் பங்குபெறும் தகுதியைப் பெற்றுள்ளது.
• பிரேசில் (5 முறை), ஜெர்மனி / மேற்கு ஜெர்மனி மற்றும் இத்தாலி (தலா நான்கு முறை), உருகுவே மற்றும் அர்ஜெண்டினா (தலா இரண்டு முறை) ஆகிய அணிகளுக்குப் பிறகு, உலகக் கோப்பையை ஒரு முறைக்கும் மேல் அதிகம் வென்ற அணியாக பிரான்ஸ் அணி ஆறாவது அணியாக உருவெடுத்துள்ளது.
• உலகக் கோப்பை இறுதிப் போட்டியில் 1958-ஆம் ஆண்டில் பீலே (பிரேசில்) என்ற வீரருக்குப் பின் இளம் வயதில் கோல் அடித்த முதல் வீரர் பிரான்சின் பாப்பி ஆவார்.
• பிரான்சின் திதியர் டெஸ்சாம்ப்ஸ், ஜெர்மனியின் பிரான்ஷ் பேகன்பவுர் மற்றும் பிரேசிலின் மரியோ ஜகலோ ஆகியோருக்குப் பிறகு மூன்றாவது நபராக ஒரு அணியின் ஆட்ட வீரராகவும், மேலாளராகவும் இருந்து கோப்பையை வென்றவராக உருவெடுத்துள்ளார்.
• பிரான்ஸ் வீரர்களின் சராசரி வயது 25 வருடங்கள் மற்றும் 10 மாதங்கள்
• 1970 ம் ஆண்டில் பிரேசில் அணி வீரர்கள் மட்டுமே சராசரியாக 25 வருடங்கள் மற்றும் 9 மாதங்கள் என்ற அளவில் இளம் வயது வீரர்களோடு கோப்பையை வென்ற அணியாகும்.
• 1970-ஆம் ஆண்டில் பிரேசில் 4-1 என்ற கோல் கணக்கில் இத்தாலியை தோற்கடித்த பிறகு பிரான்ஸ் அணி மட்டுமே உலகக் கோப்பை இறுதிப் போட்டியில் நான்கு கோல்கள் அடித்த முதல் அணியாகும்.

குரோஷியா

• குரோஷியா ஒட்டுமொத்தமாக தங்களது ஐந்தாவது உலகக் கோப்பை போட்டியில் முதல் முறையாக தங்களது இறுதிப் போட்டியில் விளையாடினர்.
• 1974-ம் ஆண்டில் மேற்கு ஜெர்மனிக்கு எதிராக 2-1 என்ற கோல் கணக்கில் நெதர்லாந்து அணி தோல்வியடைந்த பிறகிலிருந்து தங்கள் முதல் இறுதிப் போட்டியில் தோல்வியடைந்த முதல் அணி குரோஷியா ஆகும்.
• உலகக் கோப்பை இறுதிப் போட்டிக்கு தகுதி பெற்ற வகையில் உலக அளவில் 13 வதாகவும், ஐரோப்பிய அளவில் 10 வது நாடாகவும் குரோஷியா உள்ளது. 2010-ம் ஆண்டில் விளையாடிய ஸ்பெயினுக்குப் பிறகு முதல் புதிய இறுதிப் போட்டியாளர் குரோஷியா ஆகும்.
• 17 மில்லியன் மக்கள் தொகையைக் கொண்ட குரோஷியா உலகக் கோப்பை இறுதிப் போட்டியில் உருகுவே அணிக்குப் பிறகு (1930 மற்றும் 1950 களில் வெற்றியாளர்) மிகக் குறைந்த மக்கள் தொகையைக் கொண்ட அணியாக விளையாடிய இரண்டாவது நாடாகும்.
• கிழக்கு ஐரோப்பிய நாடுகளிலிருந்து உலகக் கோப்பை இறுதிப் போட்டிக்கு தகுதி பெற்ற முதல் நாடு குரோஷியா ஆகும். மேலும் 1962 ஆம் ஆண்டில் பிரேசிலுக்கு எதிராக தோல்வி அடைந்த செக்கோஸ்லோவேகியாவிற்குப் பிறகு பங்கேற்ற முதல் கிழக்கு ஐரோப்பிய நாடு குரோஷியா ஆகும்.
• குரோஷியாவின் சிறந்த ஆட்டம் இதற்கு முன்பு எப்போதென்றால் 1978 ம் ஆண்டில் பிரான்ஸ் நடத்திய உலகக் கோப்பையின் அரை இறுதிப் போட்டியில் பிரான்ஸ் அணிக்கு எதிராக விளையாடி தோல்வி அடைந்ததே ஆகும்.
• உலகக் கோப்பை வரலாற்றில் ஒரே ஆட்டத்தில் தனக்குத்தானே கோல் அடித்து எதிரணிக்கு எதிராகவும் கோல் அடித்த வீரர் என்ற வகையில் 1998-ம் ஆண்டில் இத்தாலிக்கு எதிராக நெதர்லாந்தின் எர்னி பிரான்ஸ்க்குப் பிறகு குரோஷியாவின் மாண்ட்சூகிக் இரண்டாவது வீரராவார்.