ஐக்கிய இராஜ்ஜியமானது 2020 ஆம் ஆண்டு ஜனவரி 31 அன்று ஐரோப்பிய ஒன்றியத்திலிருந்து (EU - European Union) அதிகாரப் பூர்வமாக வெளியேறியது. இது 47 ஆண்டுகளாக EUல் உறுப்பினராக இருந்தது.
28 உறுப்பு நாடுகளைக் கொண்ட ஐரோப்பிய ஒன்றியத்திலிருந்து வெளியேறிய முதலாவது நாடாக பிரிட்டன் உருவெடுத்துள்ளது.
இரண்டாம் எலிசபெத் ராணி 2020 ஆம் ஆண்டு ஜனவரி 23 அன்று பிரெக்சிட் மசோதாவுக்குத் தனது அரச ஒப்புதலை வழங்கினார். இது ஐரோப்பிய ஒன்றியத்திலிருந்து பிரிட்டன் வெளியேறுவதற்கு வழி வகுத்தது.
2020 ஆம் ஆண்டு டிசம்பர் 31 ஆம் தேதி வரை ஐக்கிய ராஜ்ஜியமானது ஐரோப்பிய ஒன்றியத்தில் உள்ள உறுப்பு நாடுகளுடன் சுதந்திரமாக (தடையற்ற முறையில்) பணியாற்றவும் வர்த்தகம் செய்யவும் முடியும்.
இருப்பினும், இதற்கு இனிமேல் ஐரோப்பிய ஒன்றியத்தின் அமைப்புகளில் பிரதிநிதித்துவம் அளிக்கப்பட மாட்டாது.