TNPSC Thervupettagam
✖
 
23, Apr 2025
TNPSC Group I Topper Corner
தமிழ் English
தேடல்
தமிழ்நாட்டுச் செய்திகள்

புதுக்கோட்டை மாவட்டத்திலிருந்து அரிய கல்வெட்டுகள் கண்டுபிடிப்பு

April 23 , 2025 17 hrs 0 min 18 0
  • இந்தியத் தொல்பொருள் ஆய்வு மையத்தின் (ASI) கல்வெட்டியல் பிரிவானது, சமீபத்தில் புதுக்கோட்டை மாவட்டத்தில் உள்ள மலையடிப்பட்டி மற்றும் பொன்னமராவதி ஆகிய பகுதிகளில் ஒரு சில கல்வெட்டுகளைக் கண்டறிந்து ஆவணப்படுத்தியுள்ளது.
  • இந்தக் கல்வெட்டுகளானது கல்வெட்டு நகலெடுப்பு என்ற முறையைப் பயன்படுத்தி, அதன் பாதுகாப்பு மற்றும் தொடர்ந்து மேற்கொண்டு அதன் மீது ஆய்வு மேற்கொள்ளச் செய்வதற்காக மப்லித்தோ காகிதத்தில் நகலெடுக்கப்பட்டன.
  • குடம்பீஸ்வரர் கோயிலுக்கு அருகில் ஒரு பாறைக் கல்வெட்டைக் கண்டறிந்தனர்.
  • ஆரம்பக் கட்ட ஆய்வுகள் ஆனது, இந்தக் கல்வெட்டு 16 ஆம் நூற்றாண்டைச் சேர்ந்தது என்பதைக் குறிக்கிறது.
  • சுந்தர சோழபுரம் மற்றும் செவ்வலூர் கிராமங்களுக்கு இடையே ஓர் ஊரணி (நீர் சேமிப்புக் குளம்) தோண்டுவதற்காக மேற்கொள்ளப்பட்ட நிலப் பிரிவினை ஒப்பந்தம் பதிவு செய்யப்பட்ட கல்வெட்டு ஆகும்.
  • ஒரு சுனை (நீரூற்று) அருகே கண்டறியப்பட்ட மற்றொருக் கல்வெட்டு ஆனது, மன்னர் இராஜராஜன் சுந்தரபாண்டியன் பெயரைக் குறிப்பிட்டுள்ளது.
  • செவ்வலூரைச் சேர்ந்த உடையான் பெருமாள் என்ற ஒருவர் இந்த ஒரு நீர்நிலையை உருவாக்கப் பங்களித்ததாக இதில் பதிவு செய்யப்பட்டுள்ளது.
  • பொன்னமராவதியில் உள்ள சோழீஸ்வரர் கோயிலில், கருவறையின் மேற்குப் பக்கத்தில் அமைந்துள்ள கல்வெட்டுகளில் ஒன்று, மாறவர்மன் குலசேகர பாண்டியன் என்ற மன்னனின் 8 ஆம் ஆட்சி ஆண்டைச் சேர்ந்தது.
  • இந்தக் கோயில் உழவளை நாடு பிரிவின் கீழ் வரும் சோழீஸ்வரர் உடைய நாயனார் கோயில் என்று அழைக்கப்படுகிறது என்று அதில் குறிப்பிடப்பட்டுள்ளது.
  • இந்தக் கோயிலுக்குள் குறிப்பிட்ட இடங்களில் ஐந்து விளக்குகளை நிறுவுவதற்காக 40 பணம் நன்கொடையாக வழங்கப்பட்டதையும் இந்தக் கல்வெட்டுக் குறிப்பிடுகிறது.
  • கிழக்கு சுவரில் காணப்படும் மற்றொரு கல்வெட்டு ஆனது, மூன்றாம் இராஜராஜனின் ஆறாவது ஆட்சியாண்டினைச் சேர்ந்தது என்றும், இராஜேந்திர சோழ வள நாட்டின் அதிகார வரம்பிற்கு உட்பட்ட ஒரு இடமாக இந்தக் கோயில் இருந்த இடத்தைப் பற்றி குறிப்பிடுகிறது.
  • மேலும் இந்தக் கல்வெட்டு ஆனது அரிசி, நெய் மற்றும் பால் உள்ளிட்ட சடங்கு படையல் பிரசாதங்களைப் பற்றி விரிவாகக் குறிப்பிடுகிறது.


Post Views:
18

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்