முதன்முறையாக உலகின் சுதந்திரப் பொருளாதாரமாக சிங்கப்பூர் நாடானது ஹாங்காங்கை முந்தி உள்ளது.
முதன்முதலில் 1995 ஆம் ஆண்டில் இந்தக் குறியீடு வெளியிடப் பட்டதிலிருந்தே இதில் ஹாங்காங் நாடே முதலிடத்தில் இருந்து வந்தது.
ஹெரிடேஜ் ஃபவுண்டேஷன் மற்றும் தி வால் ஸ்ட்ரீட் ஜர்னல் ஆகியவற்றால் உருவாக்கப்பட்ட இந்த வருடாந்திரக் குறியீடானது உலக நாடுகளில் பொருளாதாரச் சுதந்திரத்தின் அளவை அளவிடுகிறது.
உலகப் பொருளாதாரச் சுதந்திரத்தின் குறியீடானது சொத்துரிமை, நிதிச் சுதந்திரம், அரசாங்கத்தின் நேர்மை, தொழிலாளர் சுதந்திரம், வர்த்தகச் சுதந்திரம், முதலீட்டுச் சுதந்திரம் மற்றும் வணிகச் சுதந்திரம் உள்ளிட்ட 12 சுதந்திரங்களை உள்ளடக்கியது.
மொத்தத்தில் இந்த ஆய்வு 186 நாடுகளை உள்ளடக்கி உள்ளது.