உலகின் மிகப்பெரிய செல்வந்தராக அமேசானின் தலைவரான ஜெப் பெசோஸ் தொடர்கிறார். இவருடைய மொத்த சொத்து மதிப்பு 125 பில்லியன் அமெரிக்க டாலராகும்.
பில் கேட்ஸ் 107 பில்லியன் டாலர் சொத்து மதிப்புடன் 3-வது இடத்தில் உள்ளார்.
மைக்ரோசாப்ட் நிறுவனத்தின் இணை நிறுவனரான பில்கேட்ஸ் ப்ளூம்பெர்க் செல்வந்தர்கள் குறியீட்டில் ஒருபோதும் இரண்டாவது இடத்திற்குக் கீழே சென்றதில்லை. ஆனால்
தற்பொழுது இவர் LVMH நிறுவனத்தின் தலைவர் மற்றும் தலைமை நிர்வாக அதிகாரியான பெர்னார்டு அர்னால்ட் என்பவரால் 3-வது இடத்திற்குத் தள்ளப் பட்டுள்ளார்.
பில் கேட்ஸின் கொடைப் பண்பு சார்ந்த முயற்சிகள் இந்தத் தரவரிசையில் இவர் பின்தங்கியதற்கு முக்கியமான காரணங்களில் ஒன்றாகும் என்பதைக் குறிப்பிட்டாக வேண்டும்.
பில் கேட்ஸ் 35 பில்லியன் அமெரிக்க டாலருக்கு மேலாக பில் மற்றும் மெலிண்டா கேட்ஸ் அறக்கட்டளைக்கு நன்கொடையாக வழங்கியுள்ளார்.
செல்வமிக்க இந்தியரான முகேஷ் அம்பானி இந்தத் தரவரிசையில் 51.8 பில்லியன் அமெரிக்க டாலர் சொத்து மதிப்புடன் 13வது இடத்தில் உள்ளார்.
அஸிம் பிரேம்ஜி என்பவர் இரண்டாவது செல்வமிக்க இந்தியராக இந்தத் தரவரிசையில் 20.5 பில்லியன் டாலர் சொத்து மதிப்புடன் 48-வது இடத்தில் உள்ளார். இவருக்கு அடுத்து இந்தத் தரவரிசையில் சிவ் நாடார் 92-வது இடத்திலும் உதய் கோட்டக் 96-வது இடத்திலும் உள்ளனர்.
இதுபற்றி
ப்ளூம்பெர்க் செல்வந்தர்கள் குறியீடு என்பது 2012 ஆம் ஆண்டு மார்ச் மாதம் முதல் ப்ளூம்பெர்க் செய்தி நிறுவனத்தால் வெளியிடப்படும் உலக செல்வந்தர்களின் தினசரித் தரவரிசையாகும்.
இது உலகில் உள்ள 500 செல்வமிக்க நபர்களைப் பட்டியலிடுகின்றது.