மரபணு மாற்றப்பட்ட பருத்தி வகையின் பயன்கள் – பஞ்சாப்
June 25 , 2021 1158 days 494 0
இந்திய வேளாண் ஆராய்ச்சிக் கழகத்தின் வேளாண் விரிவாக்கப் பிரிவின் நிதியுதவி பெற்ற ஓர் ஆய்வினை இந்தியாவின் ஆராய்ச்சியாளர்கள் சமீபத்தில் மேற்கொண்டு உள்ளனர்.
இது “ஒருங்கிணைந்த பூச்சித் தடுப்பு மேலாண்மைத் தொழில்நுட்பத்தின் தாக்க மதிப்பீடு” எனும் கூடுதல் திட்டத்தின் கீழ் மேற்கொள்ளப்பட்டதாகும்.
இந்த ஆய்வின்படி,
மிக அதிக அபாயகரமான மற்றும் ஆபத்தான பூச்சிக்கொல்லிகளின் பயன்பாடு காலப் போக்கில் குறைந்துள்ளது.
பூச்சிக்கொல்லிகளின் பயன்பாட்டுடன் தொடர்புடைய செலவினங்களும் வெகுவாக குறைந்துள்ளன.
2015 ஆம் ஆண்டைத் தவிர கடந்த 13 ஆண்டுகளில் பருத்தியின் விளைச்சல் நிலையாக உள்ளது என கண்டறியப்பட்டுள்ளது.
பி.டி. பருத்தி என்பது பூச்சி எதிர்ப்புத் திறனுடைய மரபணு மாற்றப்பட்ட பருத்தி வகை ஆகும்.
பி.டி.நச்சுகள் ஆனது அந்துப் பூச்சிகள், வண்ணத்துப்பூச்சிகள், பருத்திப் பூ (பந்து) புழுக்கள், ஈக்கள் மற்றும் வண்டுகள் ஆகியவற்றிற்கு உயிர்க்கொல்லியாக செயல்படும்.