1 ஆம் வகுப்பு முதல் 8 ஆம் வகுப்புகளுக்கான ஒரு விரிவான பாடத்திட்டத்தினை அறிமுகப்படுத்தும் பணியில் மகாராஷ்டிரா மாநில அரசு ஈடுபட்டுள்ளது.
இது அடுத்த தலைமுறையினருக்குப் பருவநிலை பற்றிய உணர்வு மற்றும் பசுமையின் மதிப்புகள் போன்றவற்றைப் புகுத்துவதற்கான ஒரு முயற்சியாகும்.
இந்தப் புதியப் பாடத்திட்டமானது சுற்றுச்சூழல் மற்றும் பருவநிலை மாற்றத் துறை மற்றும் UNICEF ஆகியவற்றால் உருவாக்கப்பட்டுள்ளது.
இந்தப் பாடத்திட்டத்திற்கு “மாஜி வசுந்தரா பாடத்திட்டம்” எனப் பெயரிடப்பட்டுள்ளது.
இது 1 ஆம் வகுப்பு முதல் 8 ஆம் வகுப்பு வரையிலான மாணவர்கள் மத்தியில் பருவ நிலை மாற்றம் போன்ற பிரச்சினைகள் குறித்துப் பயன்பாட்டு அடிப்படையிலான ஒரு விழிப்புணர்வை ஏற்படுத்தும் நோக்கத்துடன் அறிமுகப்படுத்தப்பட்டுள்ளது.